Page 48 - UTILITIES

A trece dilanti e preocupacion di e escasez di vivienda cu por worde otorga y e cantidad
grandi di peticion pa tereno cu a drenta. Tin alrededor di 12.000 peticion pa tereno y tin
un escasez registra di 2.500 casnan social cu mester worde construi.

E proceso di otorga permiso pa construccion lo tin cu mehora y lo percura pa e permiso
por ser otorga den 5 pa 6 siman. Unabes cu esaki ta otorga e propiedad mester haya su
distribucion di awa instala y cashi di coriente conecta na e red.

Gobierno semper ta informa pueblo encuanto e infrastructura y e funcion di e
rotondenan. E acceso pa drenta y sali na cierto puntonan riba e Watty Vos Boulevard
tin cu keda of bin. Pa stimula e experencia cultural lo trece incentivanan pa architectura
diseña den estilo caribense.

Un punto hopi importante ta e situacion cu maneho di sushi actual y e dump na
Parkietenbos. Minister Oduber a indica cu mester bin cu un solucion rapido mirando e
risico grandi cu esaki ta bin cune pa salud en general.

E pueblo mester worde concientisa riba e impacto cu esaki tin riba nos salud. Gasnan
toxico procedente di dump ta peligroso y mester purba minimalisa e risiconan di
enfermedadnan ya cu esaki ta afecta tur hende. Na final nos tur: Gobierno, pueblo y

comercio hunto lo mester paga e consecuencia financiero.

KvK ta hopi satisfecho cu e atencion cu Minister Oduber a duna na e puntonan treci
dilanti y KvK di su banda ta dispuesto pa contribui pa logra esakinan. Na final di e

reunion a stipula un fecha pa un siguiente encuentro cu lo tuma luga durante e segundo
siman di april.

Durante e siguiente encuentro lo repasa riba e topiconan di e reunion aki, entre otro

maneho di tereno, dump di Parkietenbos, ROP y ROPv, tereno di APA cu enfoke riba
local, seguridad di rotondenan, medio ambiente y architectura cu caracteristica local.

http://www.diario.aw/2018/03/kvk-satisfecho-cu-reunion-fructifero-teni-cu-minister-oduber/