Page 10 - AHATA
P. 10
Diamars, 23 Januari 2024 AWEMainta LOCAL 5
Aruba a extende prohibicion cu Venezuela pa 90 dia mas
rensa local y internacional ta riba e noticia
Paki y vooral na Venezuela esaki a causa un
impacto y tambe un desapunto basta grandi.
Aruba a extende e prohibicion di vuelo comer-
cial cu Venezuela diadomingo pa 90 dia mas,
di acuerdo cu autoridad aeronautico di e isla.
No solamente den El Nacional, sino entre otro
NTN24 y mas otro portal di noticia Latino, a
publica e noticia aki cu sigur a cay manera un
baño di awa friu, no solamente na Venezuela,
pero tambe Aruba, unda cu varios hende a
cuminsa prepara pa apertura di e vuelonan
comercial p’e pais bisiña.
Diederik Kemmerling, presidente nobo di
Camara di Comercio di Aruba, a splica cu e
medida, cu ta inclui vuelo di pasahero, carga y
aviacion general, lo mantene vigente te cu dia
21 di april.
E funcionario a señala, den un entrevista cu
un website local, cu e extension di e prohibi-
cion tin como obhetivo evita un posibel ola
migratorio p’e isla di parti di e ciudadanonan
Venezolano.
Kemmerling a enfatisa cu, den e caso cu
reanuda e vuelonan, lo mester limita inicial-
mente na carga y no na pasahero pa preveni
un afluencia migratorio nobo.
El a indica cu den e proximo dianan un mision
comercial di Aruba lo biaha pa Venezuela.
E decision a desconcerta e sector aeronautico
Venezolano, kendenan tabata spera e lanta-
mento di e prohibicion, specialmente despues
cu Corsou a dicidi di habri bek e trafico aereo
cu Venezuela na april di aña pasa.
Despues di e reapertura di e frontera cu
Corsou, na april di aña pasa, a drenta 100
Venezolano den e isla, na mey 274, na juni
327, na juli 508 y na augustus 880.
Un di e rasonnan pa cual e Venezolanonan ta
biaha pa Corsou ta pa tramita e visa Mericano
n’e consulado di Merca ubica eynan.
