Page 58 - KPA NOV 20,2015

Djabièrnè 20 Novèmber 2015 39

...Movementu Rescate Integral Kòrsou ke sa...

KORSOU TA PREPARA PA KUALKIER
ATAKENAN DI ISIS?

WILLEMSTAD.- tur hende por a tuma nota Retnan sosial ta mustra
Movementu Rescate Integral di desaroyonan di terorismo klaramente ku no tin frontera
Kòrsou ke sa si Kòrsou ta rònt mundu i último aki na ni límite pa e gruponan aki.
prepará pa kualke atake di Paris. Kon aki na Kòrsou ta
ISIS. Segun e moveshon, prepará pa atakenan di ISIS? Aworakí nan ta
konsentrando na Europa i
ya a menasá ku e paisnan
di Caribe tambe lo sinti nan
presensia pronto. Movementu
Reskate Integral Kòrsou kier
a alerta Kòrsou pa kosnan
no kue “nos” di sorpresa,
manera último a pasa ku
Chikungunya i posiblemente
tambe ku ZIKA. Kon prepará
Kòrsou ta pa ku atakenan di
gruponan di Siria òf mihó
bisa ISIS?

Movementu Reskate
Integral Kòrsou kier a
hasi Minister di Hustisia
sr. Navarro e siguiente
preguntanan; Kiko ta e
medidanan ku Kòrsou a
tuma pa ku Aeropuerto pa
ku entradanan di posibel
teroristanan for di Siria i Irak,
Líbano etc. etc.

Kon sigur servisio di
inteligensia ta? Kon a prepará
e empleadonan di imigrashon
pa ku notifikashon i dado
kaso alertá Seguridat
Nashonal pa terorismo.

A kuminsá ku training riba
prevenshon di terorismo pa
e gruponan direkto manera
nos kuerpo Polisial, Marina,
Empleadonan di Imigrashon
etc etc. Kuantu ta e turismo
for di e paisnan Islámiko aki a
bin ta bishitá nos isla último
añanan? Kon alerta “nos” tur
aki na Kòrsou mester ta pa ku
terorismo ISIS i kon grandi e
chèns pa Kòrsou bira víktima
di atentadonan di ISIS ta?

Movementu Reskate
Integral Kòrsou ta kere ku
no mester mira nada ku ta
pasando kilometernan leu
for di pais komo algu ku
nunka no por pasa na Kòrsou.
Mester ta bon informá for di e
hóbennan te ku e grandinan
riba tur lokual ta pasando
rònt mundu i traha for di
tempran riba Prevenshon.

Na final Prevení ta mihó
ku Lamentá. Si e por a pasa
na Paris e por pasa na Ulanda
i nos ta forma parti di e Reino
Ulandes.

Esaki ta nifiká ku Kòrsou
tambe ta vulnerabel na
terorismo i komo tal mester
konstatá i trata e problema
promé ku esaki bira intensive
care, segun e moveshon.

Si hermana isla St.
Maarten por a detektá
persona di Siria ku pasaporte
falsu na tempu promé ku
nan a drenta e pais dia 16
novèmber 2015 ta un señal
di Alerta pa Kòrsou.