Page 55 - KPA NOV 20,2015

Djabièrnè 20 Novèmber 2015
‘FEEL AT HOME’ KU KOOYMAN
WILLEMSTAD.- Kooyman ta kla pa yuda tur hende dekorá nan kas bunita pa fin di
aña. Ayera Kooyman a habri e departamentu nobo ‘Feel at Home’ den Megastore
na Zeelandia. Gran kantidat di adorno sumamente bunita ku ta kambia aspekto di
tur kas i tur negoshi pa e fin di aña aki. No ta hende muhé so a keda enkantá, pero
hòmbernan tambe pasobra tin un variedat grandi ku ta kumpli ku smak di tur hende.
17
A DETENE PEDOFIL,
PERO A LAG’E BAI
ROTTERDAM.- Un pedofil di 34 aña, pa añanan a fòrsa
muchanan hóben pa hasi aktonan seksual. E tabata hasi
komo si fuera e tabata un integrante famoso di un Boy
Band.
E promé informe riba dje a drenta for di 2013, ora el
a sedusí un mucha di 15 aña pa manda fotonan seksual,
despues el a menasá di publiká e fotonan si e mucha no bai
di akuerdo ku loke e ke. A dura un aña i mei promé ku polis
a logra lokalis’é atrobe na 2015, ora el a hasi mesun kos ku
un mucha di 16 aña ku tin un hèndikèp mental.
Na aprel a listra su kas i a haña kòmpiuter, Hard Discs i
diferente telefon. Riba su telefon tabatin 600 kombersashon
di ‘chat’, 5.500 sms, 150 mil informe , 1.400 email. 30 mil
foto i 186 video.
Riba un Laptop a haña mas ku shen mil fotonan seksual
i videonan, parti di nan di mucha muhénan menor di edat.
Su víktimanan tabata entre 12 i 20 aña. Esnan mas bieu
mayoria biaha tabatin un hèndikèp mental.
Na òktober a detené pa un lista largu di delito. Segun
polis e chèns ta grandi ku e tin muchu mas víktima i ta pidi
tur tuma kontakto ku polis.
Pa motibunan di sirkunstansianan personal e hòmber
a haña su libertat, pero ministerio públiko mesora a apelá
kontra esaki i dia 26 wes lo dikta si e tin ku keda será òf nò.
PRESIDENTE UMCU TA
GANA MAS KU PREMIER
UTRECHT.- E presidente nobo di e sentro universitario
médiko na Utrecht mag gana kasi 230 mil euro pa aña,
mas ku e premier.
Ta trata di un montante ku defakto no mag, pero
ministernan Plasterk i Schippers a duna dispensashon pa
e montante ei.
E máksimo pa dirigentenan entrante yanüari 2016 ta
179 mil euro.
E hospital ke paga e montantenan menshoná na e
presidente nobo, pasobra aktualmente no tin sufisiente
personal médiko disponibel pa e funshon.
WILDERS KE PA
SERA FRONTERA
DEN HAAG.- No opstante krítika riba su ekspreshonnan,
premier Rutte ta keda para ariba ku Ulanda ta den guera
ku e teroristanan.
Otronan ta mustra ku loke ta tumando lugá ta aktonan
di teror i esei no ta forma un guera.
Durante reunion den parlamentu Wilders a boga pa
medidanan adekuá i el a bolbe sugerí pa sera fronteranan
i sera hende di un forma preventivo. Segun e no tin otro
alternativa.
Segun Wilders úniko kos ku Rutte ta hasi, ta baha rudia
pa Merkel i doblegá pa Brussel.
E ta mustra ku e siman aki kasi 12 mil hende a drenta
Ulanda sin papel.
TA HORTA 35 OUTO PA DIA
AMSTERDAM- E kantidat di outonan hòrtá ta birando
di mas.
Kriminalnan awendia ta Hack e sistema di seguridat i
outonan.
Tur dia ta hòrta 35 outo.