Page 6 - AB

PAGINA 22 DIARIO DIALUNA 22 MEI 2023
Burachi

tras di

stuur a

sigui stret

den e

birada di

Calabas

ORANJESTAD (AAN):
Diasabra marduga banda
di 2:55 am, un unidad di
Polis di Noord a ser man-
da na e birada skerpi di
Calabas como cu tin un
accident eynan y e per-
sona tras di stuur ta bao
influencia di alcohol.
Polis a yega y a bin topa
un homber para banda di e
auto. Polis a papia cune,
y a haya sa cu e tabata
manehando e Hyundai
Getz color verde. E mes
a bisa Polis cu e tabata
coriendo dirección pariba,
y ora el a yega e birada sk-
erpi aki, el a djis core stret
bay dilanti den e birada, y
a bay dal contra un cura di
cas.
Polis a pidie pa mira su
rijbewijs, pero e no taba-
tin esaki. El a duna nan
un rijbewijs venezolano.
Ora cu e persona tabata
papia cu nan, su aliento
tabata hole hopi sterki na
alcohol. Tambe e tabatin
wowo basta cora y tambe
ta para hopi insigur riba
su pianan. E ta papia cu
lenga pisa tambe.
Debi na esaki, Polis a
pidi su cooperación pa
e haci test di supla. El a
duna OK, y nan a cuminza
cune. En total el a trata di
supla tres biaha, pero a
fracasa tur biaha. A base
di esey, nan a detene pa
viola Articulo 20 y Artic-
ulo 21 di Ley di Trafico,
y tambe Articulo 5. El a
wordo hiba Warda di Polis
pa haci un mihor test, pero
aki tambe e no por a logra
como cu el a pega soño y
no por a lanta mas.