Page 42 - MIN SJA 15 MAART 2016

12 AWEMainta Diamars, 15 Maart 2016

Prome Minister Eman hunto cu su team a
participa den programa ‘Aruba Doet’

Na Linear Park den presencia di
Daniel Tecklenborg di CEDE Aruba
a instala aparatonan di gimnasia

DIABIERNA y diasabra Aruba henter tabata enfoca

riba e programa ‘Aruba Doet’ cu ta tuma lugar den henter
Reino. Diasabra Prome Minister Eman a sali den un bus
hunto cu un grupo di boluntario pa duna un man riba
varios veld deportivo rond Aruba.
A cuminsa den oranan tempran di mainta riba Linear
Park, unda a instala un set di aparato pa haci ehercisio.
Esaki ta net un poco pariba di Nikky Beach.

Daniel Tecklenborg (CEDE Aruba) kende a facilita
‘Aruba Doet’ tabata presente na Linear Park hunto cu
Prome Minister Mike Eman y su team di boluntario.
Sr. Tecklenborg a splica kico ta tarea di CEDE Aruba den
e programa ‘Aruba Doet’.
“CEDE Aruba hunto cu OranjeFonds ta facilita e evento
aki. Nos ta anima tur organisacion den comunidad y
NGO’s nan pa bin cu un proyecto cu nan ta pega cu ne
of cu nan kier realisa hopi tempo caba.
Nos ta registra nan online y e ultimo dos lunanan nos
ta yama e comunidad di Aruba pa participa como
boluntario.”

Tecklenborg a bisa di ta masha contento di por anuncia
cu nan a cuminsa na 2013 cu 87 proyecto y e aña aki a
kibra record cu 154 proyecto den dos dia cu mas di 3200
hende dunando un man.
E programa ta dura dos dia, for di diabierna caba, pero
diasabra ainda tabatin mas di 100 proyecto andando.
“Nos teamnan ta coriendo rond pa wak si tur cos ta bay
bon. Boluntarionan a yega caba y trabounan ta tumando
lugar.”