Page 44 - MIN SJA 15 MAART 2016

AWEMainta Diamars, 15 Maart 2016
Prome Minister Eman na Club Universal
“Mi ta hopi orguyoso
di hobennan cu
ta haci trabou di
boluntario n’e club”
15
PROME Minister Mike Eman a yega Club Universal cu su team den oranan
di atardi pa yuda cu trabou y felicita e boluntarionan cu a acudi riba yamada
di e organisacion pa duna un man cu e trabounan riba e dia aki.
Club Universal na Pos Chiquito, a participa den e programa ‘Aruba Doet’,
unda a yama boluntario pa duna un man riba e dia aki pa haci trabou di
verfmento, drecha wc y pinta liñanan riba e veld di basket.
Prome Minister Eman, despues di a pasa na diferente organisacion
deportivo cu a participa den e programa di Aruba Doet, den oranan di
merdia a yega na SV Universal, yen di animo pa yuda, pero a constata cu
e grupo presente a traha hopi rapido pa finalisa mayoria di e trabounan.
E mandatario a haya splicacion con politiconan di e partido cu e ta lidera
(AVP) a los varios hekwerk for di bentana, schuurnan y verf esakinan di
nobo. Pero tambe nan a bari haci limpi den e gym cu, despues di tabata
sera basta tempo, tabata hopi sushi. El a mira con Parlamentario Marlon
Sneek a drecha algun instalacion di tuberia cu tabata daña y instala un
sistema nobo. Coleganan di fraccion di AVP – Clarisca Velasque, Desiree de
Sousa Croes, Norman Roos, Rene Herde, Lorna Varlack, Donny Rasmijn,
Melvin Tromp y Mervin Wyatt Ras a haci di e club un lugar totalmente
drecha, totalmente diferente.
Prome Ministe Eman ta hopi contento di mira movecion bek despues cu
e directiva nobo a keda eligi y a gradici e boluntarionan – manera Tico
Tromp, Wiwi Maduro, e rumannan Curtis y Lindis Romano – cu a coopera
pa yuda den e trabounan.
Pero loke a yena e mandatario di orguyo tabata pa mira un grupo grandi
di menornan di edad cu riba e dia aki a bini na Club Universal pa traha
hunto cu e adultonan pa mehoracion y embeyecemento di e club.
E ta demostra cu e concepto cu su persona a bin ta promoviendo den
barionan – comunitarismo y trabou boluntario ta drentando curason di e
muchanan tambe, kendenan tabata rond di e mandatario na momento cu el
a duna su declaracion. El a gradici e hobennan - David Geerman, Courtney
Geerman, Derrick Geerman, Shawn Geerman, Aimée Arcaya, Joshua
Faro, Canray Rasmijn, Anrick Arcaya y RodyAnn Arcaya – y a encurasha
nan pa sigui cu e trabou aki di yuda comunidad of un di su miembronan
cu mester di nan.
“Mi ta hopi orguyoso, principalmente di e muchanan cu ta haci e programa
‘Aruba Doet’ asina exitoso. T’e hobennan aki nos mester pa sigui cu nos
trabou mañan,” Prome Minister Eman a expresa.
Prome Minister Mike Eman for di momento cu el a drenta Gobernacion na
2009 a promove trabou den comunidad y tur siman hunto cu trahadonan
di su Ministerio di Asunto General ta bishita barionan pa yuda cu algun
trabou. “Mi tin cu bisa cu hopi orguyo cu prome cu e palabra ‘Aruba Doet’ a
bin na moda, nos tabata haciendo esfuersonan tur fin di siman na un scol,
of den bario pa yuda. Awor el a bira un movecion nacional y den Reino,
unda cu e fin di siman aki mas di 3 mil persona a duna un man na Aruba so.”