Page 8 - MIN SJA 15 MAART 2016

Diaranzon atardi tin Zumbathon pa recauda fondo pa Imelda
Hof

Monday, 14 March 2016 21:34
Comparti

Joanne Maduro di Imelda Hof durante un entrevista a splica di un Zumbathon. Nan tin diferente
instructor presente y nan ta gradici masha pa esaki. Joanne Maduro a splica cu ta di dos aña y nan kier
recauda fondo pa e muchanan.
Nan lo tin doorprize. E lo tuma lugar riba e tereno di Imelda Hof. Aña pasa a haya 150 hende y e aña aki
kier logra riba 200 hende. Por inscribi of e dia ey bin trempan y registra pa participa. 6:30 di atardi pa
8:30 di anochi e lo ta diaranzon 16 di Maart. Michael Goldstein di New York durante e entrevista a splica
cu e mes ta Zumba Instructor na New York. Nan sa bin Aruba mas biaha. El a splica cu nan Merca nan sa
haci esaki caba. E biaha aki a dicidi di haci un Zumbathon . Kier logra pa e hendenan na Aruba sa cu e
muchanan ta aki. Michael Goldstein a splica cu ta bon pa traha un tiki placa pa yuda Imelda Hof y esey ta
nan objetivo. Zahira Peterson ta stagiaire y invalster na Imelda Hof. Durante entrevista e tambe a invita
Aruba completo. El a invita tur hende pa bin sostene e evento. E muchanan ta cla pa e evento. Otro
mayornan cu bin por trece nan yiu. E experiencia ta hopi great segun Zahira Peterson.