Page 4 - MIN SJA 15 MAART 2016

Franklin Kock di Departamento di Labor: Dia di Labor ta e
unico dia cu tin un status special y dialuna 2 di october ta e
dia liber den 2016

Monday, 14 March 2016 20:00
Comparti

Den tur e dianan di fiesta cu nos conoce, Dia di Labor ta e dia cu tin un status special, segun director di
Departamento di Labor, Franklin Kock, loke ta logico, el a splica.

Aki nos ta papiando di leynan laboral, e ora ey automaticamente dia labor ta haya un status special cu ta
encera cu si dia di labor ta cay riba un diadomingo of un dia di fiesta, e fiesta di dia di labor ta hala
automaticamente pa e siguiente dia di trabou. E aña aki ta e caso pasobra dia 1 di Mei ta cay riba
diadomingo,” el a splica. Esey kiermen e ora cu e celebracion di dia di labor lo tuma luga dialuna 2 di Mei
2016. Segun Kock, esaki ta nifica cu e dia aki ta un dia di fiesta pa tur trahado, pero naturalmente ta bin
acerca tambe cu tin trahadonan cu ta traha den tienda. E pregunta cu ta bin dilanti ta cua tienda lo ta
habri of no. Esaki lo mester cay bou di e Departamento di Asuntonan Economico, segun e director. E
maneho di e departamento aki ta cu di tur dia di fiesta e unico dia cu nan ta exigi pa tur tienda ta cera ta
dia di labor. Pero loke cu no ta cay bou e departamento aki ta e parti di horeca, esta hotel, café y
restaurant, eseynan si lo por ta habri. Esaki lo ta logico. Nos no por lubida. Pasobra nos economia ta hopi
basa riba turismo, el a indica. Esaki ta e sector di economia di Aruba cu ta duna turistanan servicio. Kock
ta kere den e pensamento ey, e maneho di horeca ta cu e no ta wordo afecta cu e decision di
Departamento di Asuntonan Economico. Si dialuna bo mester core rond, bo mester por wak cu tur luga
ta cera menos e negoshinan cu ta cay bou di e sector horeca. Esunnan cu lo mester traha den e sector di
horeca riba e dia ey, tin un recompensa. Si tin hende den horeca ta traha riba e dia ey, segun ley nan lo
wordo recompensa riba e dia ey aunke cu e ta un dia ta un dialuna di fiesta. E pago riba e dia aki lo ta uno
di 200 porciento, cu ta un recompensa pa e trahadonan cu ta traha riba e fecha menciona, segun director
di e departamento. Pero por lo demas banda di e sector aki, tur otro negoshi mester ta cera pasobra
mester respeta dia di labor. E pensamento ta mas of menos tambe pa dia di labor, ta cu e legislado lo kier
pa e trahado gosa di su dia mas tanto posibel riba un dia di trabou. Pa por reflexiona riba su trabou riba
un dia di trabou, Kock a ilustra. Pa motibo ey a bin cu e stipulacion aki den ley. Si e cay riba un dia cu por
ta un dia di fiesta of un dia liber, en todo caso e por hala pa un dia di trabou cu ta conta pa tur trahado.
Esey ta e pensamento su tras. Ora ta trata dianan liber oficialmente pa sectornan priva y publico, esaki
semper ta trece cun’e discusionnan. Segun e ordenansa labora tin 11 dia di fiesta, aunke cu tin diferente
dia di fiesta 1 so tin un status special Tin e ordenansa laboral 2013 di cual esey ta e ley cu ta regla e
oranan maximo cu trahadonan mag di traha pa dia, pa siman, pa cuanto siman y pa aña. Tambe e
ordenansa laboral tambe ta regla e momentonan cu e trahado mester di su sosiego, pero tambe ta regla si
e trahado wordo pidi pa traha durante su oranan di sosiego con e pago meter wordo haci, cual ta e
compensacion di overtime. Den e momento di sosiego tambe ta regla e dianan di fiesta, segun Sr. Kock.
Den e ordenansa laboral 2013 ta regla oficialmente e dianan di fiesta. Segun esaki tin oficialmente 11 dia
di fiesta, di cual ya caba algun a pasa caba. E dianan di fiesta cu a pasa caba ta aña nobo cu ta 1 di
Januari, dia di Betico Croes esta dia 25 di Februari, luna di carnaval dia 8 di Februari, dia di Himno y
Bandera cu lo ta dia 18 di Maart. Tambe tin dia 25 di Maart cu ta diabierna santo, e di dos dia di Pasco