Page 57 - AVP

Parlamentario Jennifer Arends-Reyes (AVP) :

Presupuesto 2020 Mester Ta Inaceptabel Pa

Parlamento Cu Un Surplus Di 46 Miyon Ta

Contradictorio N’e Realidad Y Necesidad Di Aruba

 Politica
- 10/03/2020

Parlamentario di AVP, sra. Jennifer Arends-Reyes a duna di conoce cu pueblo di Aruba
ta bibando momentonan sumamente preocupante pa cu e situacion mundial tocante e
efectonan desastroso causa dor di e virus di COVID-19.

Nos ta wak con paisnan sercano y cu relacion cu Aruba ta bayendo den un situacion di
calamidad caminda tur cos ta sera, scol, tiendanan, misa, tin paro di biahe y con
personanan ta keda infecta na gran escala.

Mientras cu Gobierno di Aruba a caba di califica e situacion como un crisis cu ta afecta
Aruba, su pilar economico y tambe riesgo p’e salud di su poblacion, e presupuesto cu
Gobierno di MEP-POR-RED a presenta na Parlamento y ta forsando pa pasa den e dianan
benidero no ta cuadra cu e realidad y necesidad di e pueblo di Aruba.

Con por ta posibel cu nos ta den diferente crisis y un di nan ta con nos lo maneha e efecto
di un pandemia riba un isla turistico dor di manca y corta 1/3 parti di nos presupuesto di
mercadeo pa maneha y atrae turista pa Aruba?