Page 58 - AVP

Gobierno di Aruba ta exigiendo 35 miyon florin awor, mey-mey di un crisis, emergencia
mundial pa realisa bunita cifra pa tene Hulanda contento y scapa un KB.

Corda cu Gobierno di MEP-POR-RED a pidi y haña tur sorto di plaso y dispensacion di
Hulanda caba pa por ‘goberna’ den e supuesto ‘crisis’ cu AVP a laga atras, mientras a
aumenta tur su gastonan.

Ta poco dia ey a sali un comunicado cu pueblo ta paga 1 miyon pa siman na proyecto,
realidad tambe ta cu Gobierno ta rancando 5 miyon pa siman di pueblo su cartera y e
suma aki ta bay bira mas.

Y awor cu tin un crisis y tin necesidad urgente di talbez un flexibilisacion den
palabracion pa cu e situacion mundial y economico ya a uza tur e cartanan caba y ta
obliga di pidi pueblo su ultimo debchinan pa mustra ‘caracter’. Asina ki ta dificil pa kere
den e lema cu ‘ser humano ta central’ sra Arends-Reyes ta termina bisando.