Page 10 - awem july 17
P. 10
10 AWEMainta Diaranson, 15 Juli 2015
Proyecto di limpiesa di subsuelo di lama a cuminsa TUR proyecto cu ta ensera cuido di medio
Cuido di nos tesoronan natural ta ambiente ta importante pa Aruba. No
contribui na un medio ambiente sano solamente pasobra cu e desaroyo y crecemento
di e fuente mas importante di ingreso di nos
Di acuerdo cu Minister ing. Mike de Meza isla, esta turismo, ta depende di dje, pero
tambe ta esencial p’e calidad di bida di tur
cuidadano di Aruba pa por disfruta di un
medio ambiente sano.
Un di e proyectonan sumamente interesante y
importante pa cu preservacion, conservacion
y cuido general di nos medio ambiente, segun
Minister Mike de Meza ta splica, a cuminsa
algun dia pasa den e area di Surfside Beach,
cu actualmente ta wordo referi na dje como
Nikky Beach.
Diarazon mainta e mandatario a bishita e
beach hunto cu Minister di Turismo, Otmar
Oduber, Director di Aruba Tourism Authority
(ATA), Ronella Tjin Asjoe-Croes y Francis
Gomez di Dienst Openbare Werken (DOW)
pa wak e trabaonan di limpiesa di e beach y
subsuelo di lama cu ta andando actualmente.
E proyecto cu tin un duracion di entre tres
pa cuater luna ta wordo financia pa ATA y
efectua pa DOW y Varadero Caribe.
Minister de Meza a remarca cu e realisacion
di proyectonan asina ta prueba di un di mihor
decisionnan den historia di Gobierno, cual
ta di crea un “bestemmings-belasting” cu
ta wordo paga na ATA via di Gobierno pa
inversionnan directamente den turismo.
E belasting aki ta provee ATA cu e fondonan
pa por funciona na un forma sostenibel
den su operacion y pa cu contribucionnan
importante cu ta bon pa turismo y p’e
comunidad en general; esaki ta refleha den
e resultadonan di turismo positivo tambe,
segun Minister Mike de Meza.
E beachnan ta un di e tesoronan y recursonan
mas grandi di Aruba y ta pa mas cu 10
aña tabatin falta di mantencion apropia,
e mandatario a bisa, añadiendo cu e ta
contento cu bao di liderazgo di su homologo
y e Director di ATA tin un cambio positivo y
significante.
E proceso andando actualmente n’e costa,
cuminsando for di e punto di Surfside n’e
pista/heki di aeropuerto te na e ex-cas di
Gobernador riba L.G. Smith Boulevard, ta
di saca e santo sushi y lodo for di lama y
reemplasa esaki cu santo limpi.
Lo ta bashando extra santo na cierto parti di
e costa tambe pa haci e beach mas hancho.
E obhetivo ta pa mantene nos beachnan
limpi a base di su mesun recursonan natural
y ta planeando e expansion di e proyecto cu
mester cubri e otro beachnan mas p’abao
tambe, cuminsando na 2016.
