Page 56 - KPA 22 SEPT 2015
P. 56
Homber droga y agresivo hinca cu cuchio y kier tuma
represaya y kima cas
Publication: Tuesday, 22 September 2015. Categoria: Policial
ORANJESTAD (AAN) — Patruya di Noord a bay diadomingo atardi na un cas den shiribana
unda asistencia a wordo pidi. Aki polis a papia cu e conocido di husticia RdM cu tabata histerico
y rabia.
El a mustra polis un hinca cu e tabata tin na su man drechi y a declara cu e ta doño di e cas y a
wordo hinca pa un persona cu ta keda eynan, ademas cu un schuifdeur di glas a wordo destrui.
Polis a papia tambe cu casa di RdM. El a laga sa cu e n por bisa cu seguridad si ta e homber of e
muher di e persona menciona a hinca RdM.
E muher no tabata eynan na e momento ey pero polis a papia si cu e homber naci na Corsow,
GRO cu a declara cu e tabata baña ora el a tende su amiga grita cu e ta wordo gedal cu piedra.
El a sali di baño mes ora pa bay yuda su amiga y segun GRO ta su amiga a hinca RdM cu
cuchio. Polis a nota cu e schuifdeur su glas tabata kibra cu piedra y por a nota claramente cu e
piedra a wordo tira di pafo.
RdM tabata kier pa saca GRO for di e cas inmediatamente pero el a wordo splica di e procedura
pa esaki. RdM a laga sa cu si polis no saca e homber di e cas, e mes lo percura pa haci tal. El a
laga sa bon cla cu e lo duna GRO un hala di sota y ademas cende e cas na candela.
Polis a atende RdM fuertemente relaciona cu su expresionnan y a splica e procedura pa denuncia
e caso na recherche Noord.
E homber no a mustra comprension y a bandona e cas.
Su casa a declara cu RdM no tin carchi di AZV y no por bay policlinica.
El a cana bay direccion Subway Paradera unda e tabata agresivo y intrankil. Relaciona cu esaki y
ademas cu RdM tabata claramente bao di influencia di un of otro substancia prohibi, el a keda
deteni pa su seguridad y seguridad di otronan.
Segun su señora , ta e muher EM, a hinca RdM.
http://www.diario.aw/2015/09/homber-droga-y-agresivo-hinca-cu-cuchio-y-kier-tuma-represaya-y-
kima-cas/
