Page 57 - KPA 22 SEPT 2015

Intento pa secuestra muher na San Nicolas

Publication: Tuesday, 22 September 2015. Categoria: Policial

ORA NJESTAD (AAN) — Diadomingo madruga un cuarto pasa di cinco, polis a bay na altura
di Pacifico Restaurant den Pastoor Hendrikstraat na San Nicolas y a papia aki cu e dama A. El a
declara cu un homber desconoci pe a rank’e na cabey y gara su man robez na pols, y rank’e pa
bay cune, manera el a expresa: “pa bay su cas cune”.

E muher a resisti cu tur su forza y a scop e homber y bisa na voz halto cu e lo yama polis.

Esaki a haci cu e homber a lagu’e los y a core bay.

Segun e dama, e homber tabata color cla, curpa corpulento, bisti cu T-shirt blanco y cu un camisa
blanco teni na schouder, un carson 3/4 largo color blanco y tabata tin riba cabez un pechi blanco
cu preto.

E homber tabata papia spaño cune.

Polis a busca den vecindario, pero e homber a bay sconde caba pa polis y no a hay’e.

http://www.diario.aw/2015/09/intento-pa-secuestra-muher-na-san-nicolas/