Page 8 - AM241001
P. 8
8 LOCAL AWEMainta Diamars, 1 October 2024
Un imagen nobo pa un direccion nobo
Polis di bario a ricibi cuater vehiculo policial nobo
DEN e showroom di Yrausquin & Sons a
tuma luga desvelo y entregamento di cuater
vehiculo nobo p’e departamento di Polis di
Bario di Cuerpo Policial Aruba.
Den presencia di Minister di Husticia y
Asuntonan Social Sr. Rocco Tjon y alto
comisario drs. Ramon Arnhem y e compania
Yrausquin & Sons a haci e entrega di cuater
vehiculo marca Mitsubishi di aña 2025.
E cuater vehiculo nobo aki nifica un paso p’e
direccion nobo cu Polis di Bario lo bay. Cu
e imagen di Cuerpo Policial Aruba riba dje
pero tambe “BARIO” poni riba dje. Pa alto-
comisario esaki ta nifica un imagen nobo pa
departamento di Polis di Bario.
A pone hopi enfasis pa curso pero tambe a
haci un estudio pa tur agentenan di Polis di
Bario p’asina eleva nan conocemento pero
tambe pa un etapa nobo di maneho den
Polis di Bario.
E vehiculonan nobo aki ya caba a subi
caminda y ta cla p’e personal di Polis por
haci uzo di dje.
Cada Districto a haya un vehiculo di “Bario”
p’asina nan por haci nan trabou mas optimal.
Masha pabien na cada un agentenan di Polis
di Bario cu nan adkisicion nobo aki cu nifica
un capitulo nobo den nan desaroyo policial.
