Page 35 - ATA

Segun sra Arends-Reyes ta logico cu e banconan ni sector comercial no ta bai absorba e

6% di impuesto pa gobierno pues consecuentemente cu e ‘gasto’ aki lo wordo pasa di un

manera of otro na e consumidor. Hopi banco a trata di promove uzo online of automatisa

pa paga compranan of paga gastonan pero na momento cu pueblo of e consumidor mester

paga extra gastonan nan lo purba di saca nan placa cash.

E intentonan pa inovacion y mihor control riba actividadnan bancario pa Aruba ta bai

back atras den tempo pa motibo cu banco ta exihi basta placa di e consumidor pa nan
paga nan impuesto na gobierno y e consumidor ta bai purba di keda cu mas placa posibel

gana di su sodo. 6% di 2000 florin ta 120 florin minimo por ehempel cu por bai na paga

transaccion fees so na un momento of otro pa yega na e placa. E circuito di cash na Aruba

y cambio di dollar mas barata cu na banco por trece cune un efecto indesea y ‘cash’ ta bai

manda na Aruba y ta netamente esaki ta locual a traha asina duro pa cambia cu tempo. E

9 pa 10 miyon florin cu lo kier saca extra di banconan muy probablemente ta bin di e

consumidornan pues ta 9 pa 10 miyon florin cu lo no ta den circulacion di nos economia.

Hopi ta esnan cu ta remarka cu e gobierno di coalicion aki ta purbando di hasi todo por

todo pa tira tur culpa riba e gobierno di signatura di AVP, pero e cifranan ta laga mustra
cu tur medida nobo ta bai pa paga gastonan di e coalicion aki cu ta pasa 120 miyon florin

pa e lunanan di 2018 cu nan a sinta y locual resta lo paga debe cun’e. Pueblo ta sabi y nan

mes ta cuminsa ripara cu ta puro mal noticia pa nan cartera ta biniendo y ta e gobierno

nobo aki mester sa maneha e barco bon pa scapa pueblo di un aumento demasiado

drastico. Ni cuanto boletin y rueda di prensa pa contradeci y culpa gobierno anterior ser

yama despues cu un aumento pa pueblo ser anuncia, e aumento ta keda confirma toch

despues.