Page 36 - ATA

Pensionadonan y famianan ta sumamente preocupa cu e prijsnan di tur cos lo subi pues

bo ta haña menos pa bo placa. Hopi hende grandi cu ta bibando cu un pensioen chikito lo

cai den pobresa pa motibo cu nan placa no ta yega y gasolin y utilidadnan tambe lo

conose un aumento. Tambe por a tuma nota cu pa motibo cu a pone presion ariba tur NV

di gobierno pa duna gobierno dividendo y tambe na departamento di impuesto pa trese

placa aden hopi persona, tambe esnan di edad avansa ta hañando cobransa y menasa pisa

via carta pa paga cualkier atraso cu nan tin y nan mester paga den dos dia. E tristo ta cu
hopi biaha e cobransanan aki cu ‘dwangschrift’ no ta klop of a ser paga caba of tin areglo

riba nan. E aumento cu e gobierno di coalicion nan a bisa cu no lo tin ningun efecto riba

pueblo, a bira manera un tsunami di aumento cu tawata hopi mas cu a premira cu mester

a klop cu e debenan bieuw cu tawata e motibo supuestamente pa aumenta medida. Pueblo

no a spera, ni haña chens tampoco pa prepara cu tur cos lo a subi asina drastico. Aruba a

aumenta prijs di tur producto y servicio sin un reforma fiscal, sin un estudio di impacto

ariba efectonan manera desempleo cu por bin aserca y aumento di criminalidad. Aruba ta

birando un isla cu ta birando mas caro pa turista y pa e comunidad sra Arends-Reyes ta

termina bisando.