Page 59 - ARUBA BANK

Banco di Caribe (Aruba) N.V. cu

donacion na Stichting Koningin

Wilhelmina Fonds

Posted on 05/24/2018 10:39 am AST | Updated on 05/24/2018 10:40 am AST

ORANJESTAD - Banco di Caribe (Aruba) N.V. un biaha mas ta duna sosten na Stichting
Koningin Wilhelmina Fonds (KWF). KWF ta un fundacion cu tin como meta pa yuda
hendenan cu ta sufri di cancer y tambe trece concientizacion di e enfermedad aki. KWF ta
recauda fondo pa medio di colecta. Esaki ta tuma lugar mayoria parti den luna di april y
mei, pa asina por sigui cu e bon trabou di concientiza y yuda personanan cu ta sufri di
enfermedad aki.

Banco di Caribe (Aruba) N.V. ta sumamente orguyoso di por sigui contribui cu e
fundacion aki. Nos tin un grupo di empleado cu desde aña 1998 ta duna nan tempo liber
pa asina yuda cu e bon causa aki y di parti di Banco nos kier yamanan hopi danki. E aña
aki Banco di Caribe (Aruba) N.V. a haci entrega di un check na balor di Awg. 5,000 na
KWF. Sperando cu e suma aki por yuda nan sigui haci e bon trabou!