Page 51 - AVP

bo tin cu haci un trabao, caminda cu tin cu respeta tur hende, bo mester ta obhetivo y

neutral y no ta bisti un pechi politico.”

Esaki ta motibo cu ta haya cu politiconan tambe, na cierto momento ta bisti nan petchi y

hopi hende ta puntra nan mes, dicon tin tanto politica ta wordo hunga. Ta netamente riba

nivel tin biaha di ambtenaar of di trahado den companianan estatal, ta haci mal uzo di

patrimonio di pueblo, pa beneficia nan sed di vengansa, por ta politica of nan ta laga nan

mes wordo mal uza door di famia, ruman, omo, tanta of ken cu ta, of amistadnan of nan

ta parti di friends & family y haci uzo di loke no ta di nan, pa purba mancha nomber di

hende, purba di haci “character assesination” y ta haci’e sugestivo.

For di ki dia TeleAruba a bira defensor pa aclaria fake news. Nan a crea esaki pa traha un

plataforma, un plataforma stemmakerij, pa nan share, pone post pa haci politica, cu ta

algo completamente robes.

De Meza ta condena cu mas y mas ta mira cu TeleAruba ta wordo mal uza door di

gobernantenan actual pa purba spanta balente, purba pone presion riba nan oponentenan.

“E gobierno aki ta tipifica su mes door di persecucion politico y pone presion riba tur

hende cu nan ta mira como oponente di nan. De Meza ta informa nan cu sigur sigur cerca

dje, nan ta na adres robes. Ni si cu e tin cu para su so, e lo para su so y para contra

inhusticia. Purba di pone presion riba de Meza, sigur nan ta na e mal adres y ta haci’e

mas facil p’e. Ta mas gana mi ta haya pa para e inhusticia aki. Un cos cu por bisa, semper

de Meza tabata contra cualkier inhusticia y purba di spant’e, ta tempo perdi,” e

mandatario mes a bisa.

https://24ora.com/parlamentario-mike-de-meza-ta-para-contra-fake-news-di-telenoticia/