Page 53 - AVP

ORANJESTAD (AAN): Parlamentario Rocco Tjon diaranzon a emiti un declaracion unda
e ta expresa cu e kier reaccion ariba insinuacionnan di partido AVP instrui door di ex
prome Minister Mike Eman.

A bisa cu un bes mas por wak cu ora falta argumento y pa desvia atencion di e desaster
cu Mike Eman a crea y cu ta trata na difama y atacha nomber di personanan.

“Te hasta Mike Eman a bay asina leu di instrui su hendenan pa actua contra interes di

mucha y hinca mucha den politica”, Tjon a expresa.

Pa loke ta trata e insinuacionnan haci door di Partido AVP a indica cu den e documento
adhunto por wak cu Ministerio Publico a dicidi di seponeer e caso contra su persona na

2010.

Por lesa den e documento cu e motivo ta cu no tin ningun prueba cu algo lo mester a
tuma lugar. E desicion aki a wordo apela y tres hues imparcial a tuma un decision den

cual nan ta confirma cu e decision di Ministerio Publico ta esun corecto, a expresa.

Tjon ta lamenta cu Mike Eman ta uza e tipo di cosnan aki pasobra e ta perhudica
mucha. Na 2010 a manda un carta pa ex minister di husticia Arthur Dowers y tambe pa

ex prome minister Mike Eman y Sr. Candelaria cu a atestigua na su fabor den e caso aki
caminda a splica nan detayadamente con e caso penal aki a tuma lugar.

A splica nan detayenan di e ‘strafrechtelijk onderzoek’ y detayenan tambe di locual a

sali afo di e investigacion cu a wordo haci door di un organo imparcial di Hulanda.

Esaki ta e motibo tambe cu Mike Eman a firma su Veiligheidsonderzoek na 2016 y dicon
Mike Eman a nombr’e director di KIA, pasobra e ta na altura di tur detaye di e casonan

civil como esun penal cu a wordo indica contra su persona, Rocco Tjon a indica.

Tambe a elabora ariba e vonnis cu AVP ta referi na dje, ta un vonnis den un caso civil y
den e caso civil aki, su persona a entama e caso pa e haya ouderlijk gezag di su prome

yiu.