Page 87 - AVP
P. 87
Loke ta pasa actualmente no tabata un sorpresa pa personanan cu ta sigui noticia
internacional y local. No ta awor, pero pa basta tempo medionan di comunicacion na
Hulanda ta tras di e forma cu pashentnan a wordo perhudica dor di estafa entre otro na
hospitalnan.
Na un forma of otro, a logra pa e atencion cu loke mester a pasa, a keda silencia. Aruba
for di 2009 te 2017, tabata parce di ta biba den un mundo cu tabata wordo fabrica pa e
Arubiano, cu no a mira fantasia tras di tur e streanan cu politiconan na mando a pone
na strea.
Ta tras di cortina un storia di amor a desaroya na Hulanda.
Un señora di origen Turco cu como mucha a bay biba na Hulanda, tabata tin problema
pa acepta su mes. El a trece su problemanan den publicidad y tabata splica pakico el a
tiña su cabey y uza lens blauw pa hende no mira cu e no tabata Hulandes.
Segun su persona asina e por tabata tin mas exito den bida.
E tabata tin problema pa haya un partner den bida, manera e tabata trece dilanti,
aunke e tabata tin exito y si a sabi di atrae hende cu kier a inverti pa asina e haya
negoshi pa maneha.
Di e forma aki el a haya un persona pa hinca placa den e Hospital Slotervaart na
Hulanda, caminda el a cuminsa saca placa y manda Turquia pa un hospital pero tambe
pa un resort.
Un Miyon Euro a cambia di doño y a bira propiedad di Aysel Erbudak, cu a pesar di e
Miyones cu Jan Schram a inverti, a keda solitario.
Pa su nomber Turco no percura pa mas problema, hasta e tabata uza e nomber di tata
di dos di su yiunan van Walveren.
Su suerte personal tristo a cambia na momento cu un politico Arubano, a dicidi cu e tin
futuro na Hulanda. Richard Visser tabata Ministro na Aruba. Nunca el a biba prome na
Hulanda, segun Aysel, pero ta na Hulanda el a bira su futuro despues di a bandona
politica na Aruba.
