Page 88 - AVP

Aysel a uni cu e Hulandes, Arubano, Colombiano, manera e tabata uza como
combinacion di nacionalidad pa Richard Visser, cu a drenta noticia na Hulanda como
partner den amor di Aysel.

Hunto cu Richard, Aruba tambe a drenta noticia pasobra e storia di amor tabata tin un
parti fastioso. Husticia atrobe tabata tras di Aysel, cu a wordo acusa di a horta placa di
hospital Slotervaart cu e tabata dirigi.

Mucho mas a sali na cla. A resulta cu for di tempo di Aysel, Slotervaart tabata produci
heroina cu gobierno di Hulanda tabata uza pa drogadictonan bou vigilancia. Gobierno di
Hulanda tabata tras di e proyecto pero a surgi un problema ora cu a bira conoci cu
Slotervaart no tabata tene su mes na regla y entre otro tabata tin mal administracion.

Cu Husticia su tras pa ladronicia di Un Miyon Euro cu a bay Turquia y 200 Mil Euro cu el
a hinca den su negoshi na Rotterdam, e feliz pareha a bolbe Aruba na 2017 ora pueblo
di Aruba a bay urna electoral.

Aysel a pidi Aruba vota pa AVP y pa Richard Visser. Aruba tabata papia di debe nacional
y Citgo cu a fracasa y aparentemente no por a vigila su candidato electoral number 9.

Awor Aruba ta den noticia. Palabranan pisa ta parti di publicacion Hulandes hunto cu
condena di Hues.

Awe Aruba ta spierta mientras otro secreto politico ta bandona mundo di misterio.

https://www.diario.aw/2019/11/un-storia-di-amor-un-hospital-fabrica-di-heroina-y-kico-mas/