Page 27 - HOSPITAAL
P. 27
KEINTURA
POSTED ON JULY 14, 2017, 3:58 PM
6 MINS
POST VIEWS: 16
ORANJESTAD, Aruba
Bou di keintura nos ta compronde un temperatura di curpa di mas cu 38,5C, cerca mucha 38 C.
Keintura riba su mes no ta un malesa. Ta un reaccion natural di curpa humano ora cu causante di
malesa, manera virus y bacteria, haci nos malo. Nos mecanismo di defensa ta traha miho, si nos
temperatura ta mas halto.
Pesei no ta recomendabel pa semper combati cualke keintura mesora automaticamente cu aspirin of
remedi similar. E miho caminda pa midi temperatura ta den e ano. (via chanchan). Baha e
termometer di antemano te 36 C y tene pa 2 minuut den e ano. Di antemano pone un tiki crema na e
punta di e termometer.
Cerca Mucha
E grado di e temperatura ta menos importante cu e conducta di e mucha. Si e mucha ta hunga trankil
di dje y ta reacciona normalmente, anto no tin mucho problema. Ora e mucha ta sin smaak, suf of tur
bruha-hasta cu keintura leve of sin keintura-. anto e por ta gravemente malo.
