Page 28 - HOSPITAAL

-Steipi di keintura

Den caso di keintura cu ta subi rapidamente, e mucha por haya steipi di keintura. E ora ei e no ta
papia, e ta haya djiempi y ta drei su wowonan. E atake aki mayoria di biaha ta dura un par di minuut

so. Djei e ta pega soño. Si e ta na soño, su halamento di rosea ta normal. Den caso cu el a cai flou, e
halamento di rosea ta pisa y bo por tend’e esei. No laga bo yiu durante un atake nunca su so. Durante
un steipi di keintura pone e mucha drumi stabil riba su zij of boca ‘bou, cu e cabes abou y di banda.

Cuido propio:Loke bo mes por haci

Bebe hopi awa. Ora bo tin keintura, bo ta perde hopi likido. Mester recupera esaki. Si bo ta sinti
necesidad di keda riba cama y e camber friu, uza dekel. Si e camber ta calor, anto uza un solo laken.
Un camber fresco y cu bon ventilacion ta preferibel. Trankilmente bo por dal un douche diferente

biaha.

Cerca mucha di mas di 1 aña

Perdemento di likido dor di sodamento pa motibo di keintura ta trece mas riesgo cune pa mucha cu

pa hende grandi. Pesei percura pa nan haya suficiente co’i bebe. E mucha no mester keda den cama.
Bisti e mucha cu paña fini y lag’e keda den un camber cu temperatura normal. Ora e mucha ta tur
nervioso/desorienta, eventualmente bo por dun’e Paracetamol likido of, si e no por guli facilmente,

pone un supositorio (zetpil). Den caso di keintura halto, pasamento di un spons cu awa lou riba su
curpa ta duna alivio. Si e mucha soda, esei kier men cu e ta mucho diki bisti; si e ta tembla, kier men
cu ta mucho friu p’e.

Tuma contacto cu bo docter di cas

-Si, despues di un par di dia cu temperatura normal, e keintura bolbe subi.

-Si e keintura no baha denter di un par di dia y bo no sa cua ta e causa di e keintura.

Cerca Baby

-Si e mucha ta bebe suficiente likido, e no tin niun otro sintoma cu keintura y esaki no baha despues

di dos dia.