Page 4 - Bon Dia Aruba

A4
EDITORIALDialuna 9 November 2015
No tin claridad riba medidanan adicional
Suma di reparacion ta bay pa
empresario paga?
Nos ta den luna di november y ainda no tin
claridad kico exactamente ta e pakete di medida
cu empresarionan lo haya nan dilanti den e
aña venidero. E lista ta basta largo: lo a bin un
reforma fiscal cu varios elemento nobo y varios
bieu cu lo disparce.
Lo a bin un impuesto nobo riba transaccion
bancario cu tin consecuencia pa e empresario,
pero tambe pa e ciudadano individual. Pero segun
rumor tin mas cos na caminda. Un di nan ta
trata di e ‘regalo di Prome Ministro’ di algun aña
pasa: e ‘reparatietoeslag’ ( suma di reparacion)
pa esunnan den sector priva cu ta gana salario
abao, cu e dunado di trabao ta paga eseynan riba
nan salario.
Te awor ta asina cu e dunado di trabao ta haya
e pago aki deduci di su otro obligacionnan di
impuesto. Di manera cu ta gobierno finalmente
ta paga e compensacion aki. Ta p’esey tambe na
su introduccion na 2011 no tabatin oposicion di
banda di e organisacionnan gremial, pasobra e no
tabata sali di e cartera di e empresario.
Pero awor si e perspectiva a cambia, ya cu
gobierno a pone e asunto riba e lista di 24 medida
(number 22 riba e lista:’Inbouw reparatietoeslag
in loonstructuur private sector’, cu e intencion cu grandi na sector priva, ta dificil cu entrante 1 di
den futuro e dunadonan di trabao lo mester bay
absorba e pago aki. Y e gastonan no ta chikito: e
suma ta varia di Afl. 50,- te Afl. 100,- pa luna,
dependiendo di e salario cu ta varia di salario
minimo te na Afl. 2500,- pa luna.
Specialmente e companianan cu hopi trabao
manual ta bay haya un aumento di payroll, cu
ta varia entre Afl. 600,- te Afl. 1200,- pa aña pa
cada trahado. Si esaki continua, anto gobierno ta
logra silenciosamente pa pasa un pago riba lomba
di otro, y keda cu e ‘bon reputacion’ cu ta nan a
percura pa e trahado humilde haya e regalo aki.
Pa basta tempo e tema aki a keda benta un banda,
pero tin rumor fuerte cu pa 1 di januari 2016
sector priva ta keda encarga cu paga e aumento di
salario aki, sin cu nan ta haya un compensacion
despues.
Un pregunta cu ta surgi di biaha ta con e
asunto aki ta cuadra cu un eventual aumento
di salario minimo. Ta conoci cu a pidi Conseho
Socioeconomico (SER) pa duna nan opinion riba
un eventual aumento di salario minimo, pero te
awor no a tende nada mas di esaki. Realmente
benta e asunto aki den scochi di sector priva ta bay
hopi mas leu cu aumento di salario minimo, den e
sentido cu e dunado di trabao den caso di aumento
di salario minimo, mester aumenta solamente e
salarionan cu ta na e minimo.
Naturalmente cu esey cu tempo tin efecto tambe
den e salarionan un poco mas halto cu salario
minimo; nan tambe lo tin tendencia di subi, pero
esey ta na e dunado di trabao pa dicidi. Den e caso
aki ta trata di un grupo bastante grandi ya cu un
gran parti di nos poblacion ta gana entre salario
minimo y 2500 florin pa luna.
Mester ley pa ehecuta e medida
Pero, pa por obliga sector priva paga un salario
extra na cada trahado entre salario minimo y Afl.
2500,- pa luna, mester di un ley pa haci esaki. No
ta posibel simplemente decreta un medida asina a
base di un decreto nacional of decreto ministerial;
a base di cual ley ademas anto den e caso aki?
Manera nos a skirbi recientemente, henter e
trayecto legal te na Parlamento ta malamente pega
riba e ley di presupuesto y esun di reforma fiscal.
Si no tin te awe, asina leu cu nos sa, ni sikiera un
proyecto di ley pa hustifica un obligacion asina
januari 2016 por introduci e medida aki.
Ademas mester considera cu e cambio di rumbo
aki lo significa cu definitivamente gobierno
actual ta cambia e paisahe di consulta y dialogo,
pasobra nan lo ta tuma e decision cu desde awor
en adelante no tin libertad di fiha salario mas -
cu excepcion di salario minimo, cu no ta pornada
tin su mes ley - y cu nos ta bay den rumbo di un
‘socialismo’ di corte democrata cristian.
Nos ta curioso con Mike Eman y su partidistanan
ta bay conta nan homologonan den otro pais con
nan a logra e hazaña aki, cu lo ta un violacion
di libertad di establece salario entre trahado y
dunado di trabao.
Probablemente, realisando nan mes esaki, a keda
keto riba e tema aki y nos pensamento ta cu, sea
ta mantene e situacion actual cu e regalo di Mike
ta keda core pa cuenta di gobierno, o ta kita esey
pasobra gobierno no por paga esey mas.
E ora ey ta na nos Prome Ministro pa splica esey.
Pero e rumor di e pago obligatorio pa banda di e
empresario legalmente no ta posibel sin creacion di
un ley. Esaki tambe ta un di famoso 24 medidanan
cu ta resultando imposibel pa ehecuta?q