Page 23 - OCT 10.pdf

23
CONSTITUCIONAL
DR. RYÇOND SANTOS DO NASCIMENTO
E DERECHO FUNDAMENTAL DI
BOYCE, DE ANDRADE & PASKEL
Derechonan humano ta parti esen-
cial di nos estado di derecho. Nan ta
basa riba e idea cu cada persona tin
un balor inherente, un balor cu nin-
gun hende por kita. P’esey, pena di
morto, tortura, trato cruel, inhuma-
no y degradante ta problematico
for di punto di bista di derechonan
humano. E filosofia di derechonan
humano tambe ta siña cu den may-
oria di caso, cada persona por pen-
sa pa su mes y tuma decisionnan cu
ta na su miho interes.
P’esey nos mester respeta e liber-
tad di cada persona pa scoge ki
trabao e kier haci, cu ken e kier casa
of na unda e kier biba. Como cu e
filosofia aki ta kere cu tur hende tin
balor inherente, e pensamento aki
ta exigi cu nos ta reconoce e igual-
dad di cada persona. E igualdad aki
ta conduci na respet pa tur hende:
e mucha chikito, e preso, e stranhe-
ro, e hende muhe, e persona cu un
religion of orientacion sexual difer-
ente, etc.
Dia 3 di October, hues a duna un
veredicto den un caso di abogado
Maritza Boyce contra reporteronan
Nelson Cabral de Andrade y Patrick
Paskel. Pa su mañan, mi a uza e me-
sun veredicto aki pa un les encuan-
to derecho fundamental. E caso ta
simpel: De Andrade y Paskel tin tur
merdia e programa Enfoke, cu ta un
programa radial sumamente exitoso
cu ta informa y comenta riba difer-
ente suceso. Den e programa di dia
7 di juli ultimo, De Andrade y Paskel
a elabora riba e caso di un cliente
di abogado Boyce. E cliente ey ta
un stranhero indocumenta. Den e
cuadro aki De Andrade y Paskel a
expresa nan opinion cu Boyce ta
sconde su clientenan pa autori-
dadnan y cu Boyce ta un abogado
cu no ta funciona bon. E pregunta
ta si nan tin derecho di bisa esaki of
si señora Boyce tin un otro derecho
cu nan mester a respeta.
For di un punto di bista emocion-
al, naturalmente cu señora Boyce
a sinti su mes ofendi door di e ex-
presionnan di De Andrade y Paskel.
Pero e otro banda di e medaya ta
cu De Andrade y Paskel ta haya cu
nan opinion ta berdad y cu den
un pais liber, nan como reportero
mester por expresa nan opinion. Di
e manera aki tanto Boyce como De
Andrade y Paskel ta invoca difer-
ente derecho fundamental: Boyce
ta invoca su derecho riba su pri-
vacidad cu ta inclui su derecho riba
su honor y bon reputacion. Na nan
turno, De Andrade y Paskel ta invo-
ca nan libertad di expresion y liga
na esaki nan derecho riba libertad
di prensa.
Nelson “Speed” Andrade y Patrick Paskel ta conduci e programa
“Enfoke” tur merdia entre 12:10 pm y 2:00 pm y ta pasa via Ra-
dio Bo Guia FM, Dutch Caribbean TV canal 55, YouTube y Face-
book di 24ora.com. E ta e programa noticioso cu mas sintonia na
Aruba. E exito di e programa ta e forma skerpi y critico di trece
noticia padilanti.
Locual ta interesante na e caso aki ta
cu e derechonan aki originalmente
tabata pa proteha ciudadano con-
tra autoridad. P’esey, e derecho aki
ta funciona primeramente den for-
ma vertical: autoridad vs ciudada-
no. Un ehempel di un relacion ver-
tical ta ora Minister Geoffrey Wever
(un autoridad) kier bin cu un time
delay system, pa obliga prensa (ci-
udadano) pa censura expresionnan
haci riba radio prome cu nan bay
den aire.
Si e minister persisti y introduci e
maneho aki, prensa por invoca e
libertad di expresion contra e man-
datario, pasobra nos constitucion
ta prohibi censura (previo). E difer-
encia di e caso di Boyce contra De
Andrade y Paskel ta cu aki ta trata e
echo cu derechonan fundamental
tambe ta funciona den forma hor-
izontal: ciudadano contra ciudada-
no.
Otro aspecto interesante di e caso
aki ta cu e ta demostra cu dere-
chonan fundamental por boks cu
otro. Si por ehempel e comunidad
LGBTQIA+ kier organisa un pride
parade, e comunidad aki por, pa-
sobra nos conoce e derecho di por
manifesta publicamente y pacifica-
mente. Pero si e comunidad aki kier
organisa e pride parade net dilanti
Pro-Catedral San Francisco, net ora
ta celebra un misa masha special
den e calender Catolico, e derecho
di por manifesta publicamente y
pacificamente lo boks cu e libertad
di religion cu e comunidad religioso
por invoca.
Den e caso di Boyce contra De An-
drade y Paskel, hues ta mustra cu
ora tin conflicto entre derechon-
an fundamental, nos mester corda
cu ningun derecho fundamental ta
mas importante cu un otro. P’esey,
hues no por bisa di biaha si ta Boyce
of ta De Andrade y Paskel tin rason
Abogado mr. Maritza Boyce
(ex-politico) a hiba dos miem-
bro di prensa dilanti hues,
demandando pa no uza su
of no. Den caso na unda derecho nomber mas den noticia. El
fundamental ta boks cu otro, hues a bisa hues cu e forma con a
lo mester pone tur e echonan y in- critic’e, el a sinti su mes me-
teresnan den balansa. Esey ta parti nasa. El a perde e caso den
di e simbolismo di Señora Husticia. corte.
Esey ta nifica cu hues no mester
tene cuenta solamente cu e interes
personal envolvi, pero tambe in- Naturalmente tin algun excepcion
teres general. chikito, cu tin di haber cu defensa
propio. Pero, si dialogo no ta solu-
Por mira esaki claramente den e ciona un problema, nos por pidi
caso di Boyce contra De Andrade ayudo di un mediador of un hues.
y Paskel ora hues a elabora riba e
importancia di libertad di expresion
pa henter comunidad. Mester pone
e interes publico cu ta rekeri liber-
tad di expresion pa tin democracia
den balansa y compara esaki cu e
interes individual di señora Boyce
pa ningun hende atacha su honor y
bon reputacion.
Na momento cu hues ta cuminsa
pone e diferente interesnan den
balansa, nos ta mira otro aspecto
importante di e materia aki: ningun
derecho ta absoluto. Aunke nos tin
libertad di expresion, bo no por bisa
tur cos “que te da las ganas”.
Aunke tur hende tin derecho riba
integridad di su curpa, por lim- RYÇOND SANTOS
ita e derecho aki pa motibo di un DO NASCIMENTO
sospecho cu e persona a guli bolitas
pa transporta droga. Den e caso di Mr. dr. Ryçond Santos do Na-
Boyce contra De Andrade y Paskel, scimento ta experto riba tere-
claramente mester limita e derecho no di Derecho Constitucional,
di un di e partidonan: den e caso specialisa riba tereno di sistema
aki hues a pone tur cos den balansa politico y structura estatal. Ac-
y a conclui cu mester duna prefer- tualmente el a drenta politica y
encia na e derecho di De Andrade ta fungi como parlamentario. Su
y Paskel y mester limita e derecho meta primordial ta pa educa y
di Boyce. informa riba e tereno di Derecho
Constitucional. Den e columna
Por ultimo, e caso aki ta demostra aki e ta trece un punto di bista
cu den un estado di derecho nos tin personal basa riba desaroyonan
e escogencia pa acepta cierto vio- politico y social den nos Pais y
lacion di nos derecho of exigi den den Reino den luz di e princi-
forma pacifico cumplimento di nos pionan di e estado di derecho
derecho. Si esey no traha, esey no democratico.
ta crea e derecho pa uza violencia.