Page 13 - AM210222
P. 13
Dialuna, 22 Februari 2021 AWEMainta 13
Chauffeur di Mitsubishi pick up seriamente
herida despues di a bolter riba Green Corridor
DIASABRA algo prome cu mey anochi, informacion a
drenta di un accidente serio riba Green Corridor na Pos
Chikito. Tabata trata cu un auto a bolter.
Na yegada di Polis, nan a confirma esey y a pidi pa ambu-
lance y tambe pa Departamento di Trafico su presencia.
Loke nan por a saca afo ta cu e auto un Mitsubishi pick up
bayendo direccion Drive In, a perde control bayendo na su
man robes. Unda el a pasa over di berm bolter y flip algun
biaha pasando over di e vangrail y keda benta den e mondi
cerca di unda hende ta cana.
N’e sitio a compronde cu e chauffeur a wordo saca di e auto
durante cu e tabata bolter. Pues di unda el a perde control,
el a keda bolter y bay cay den e mondi pazuid.
Caminda a wordo sera den e ambos banda, esta di rotonde
Pos Chikito pa Drive In y vice versa autonan bayendo di-
reccion Pos Chikito mester a pasa via e brug bieu.
Paramediconan cu a yega n’e sitio a stabilisa e chauffeur
bon prome y despues cu ayudo di Polis, el a wordo poni den
ambulance y despues pa sali direccion Hospital.
