Page 63 - AVP

Parlamentario Marlon Sneek (AVP) – Prome Minister

Su Oficina A Cobra 550 Pa Manda Un Whatsapp Y

Un Mail

 Local
- 20/11/2019

Asina ta strika placa

Fraccion di AVP den ultimo dos añanan, a yega di pidi varios informacion riba e papel cu
e bufete di abogado di tata di Prome Minister Evelyn Wever Croes, pero cu nunca a
entrega e documentonan cu a wordo solicita.

Lider di fraccion di AVP, sr. Marlon Sneek a mustra cu recientemente e lider di fraccion
di MEP, Rocco Tjon a declara den prensa cu el a bay Departamento di Finanza pa busca
recibonan riba otro oficinanan di abogado cu lo a traha pa companianan di utilidad, pero
cu e no a haya esakinan.

“Loke ta pasa ta cu e lider di fraccion di MEP, kende mi ta kere ta un hende inteligente,
mester por sa bon bon cu el a bay adres robes pa busca e informacionnan aki, ya cu ta
trata di un NV di Gobierno y ta na en NV e mester ta pa haya e recibonan aki.

Loke ta mas pret di esaki t’e hecho cu nos a manda puntra Prome Minister Evelyn Wever
Croes pa nos haya informacion riba pago n’e bufete di su tata, pero el a reacciona bisando
cu e no por duna informacion ya cu ta un compania NV.