Page 64 - AVP

Sinembargo dia cu nan kier a hunga wega sushi, buscando pa atacha e bon nomber di nos
colega Richard Arends, ora cu Parlamentario Edgard Vrolijk a manda un carta pa Prome
Minister puntrando pa haya documentonan, kende tabata haci trabou pa RDA, mesora e
documentonan aki a wordo duna.

Ora cu AVP a pidi pa recibonan di WEB, Elmar, Utilities y RDA, cual t’e 4 companianan
estatal cu ta resorta bou di Prome Minister y cu su tata ta dunando servicio n’e
companianan aki, Evelyn a reacciona bisando cu e no por duna e documentonan aki, ya
cu ta trata di companianan NV y no por duna informacion.

Pues claramente ta scondemento tin y pa tal motibo nos di AVP a acudi na Ministerio
Publico cu tin tur poder di ley pa manda pidi e documentonan aki y nan mester haya nan
tambe p’asina e bay haci su huiswerk y wak na unda tin cosnan iregular a tuma lugar y
asina atende e iregularidadnan aki.

Minister Presidente Evelyn Wever Croes mester por sa di e cobransanan aki, ya cu ta su
bufete nan ta bay y den e documentonan cu nos a entrega na Ministerio Publico, tin
specificacion caminda ta wordo bisa cu nan tabatin combersacion cu Prome Minister.

Es mas, riba un diadomingo nan lo mester a topa na un bbq, kisas na un cas y a cobra 700
florin p’esaki, a manda Prome Minister un whatsapp y a cobra 175 florin pa esaki, a
manda un e-mail pa Premier y a cobra 375 florin p’esaki, pues e documentonan ta mustra
cu tin contecto regular cu Prome Minister Evelyn Wever Croes.

Tambe tin dos abogado di e bufete cu a sinta c’un persona, pero na momento di a cobra,
un abogado a manda un cobransa di 1000 florin como su trabou cu e persona aki, pero su
colega tambe ta manda un cobransa di otro 1000 florin pa motibo cu e tambe a sinta den
mesun combersacion aki.

Pues asina e dosnan aki di mesun bufete di abogado ta ranca 2000 florin pa mesun caso y
asina nan ta strika y chica placa di pueblo y pa tal motibo nos ta kere cu Ministerio
Publico tin suficiente trabou, tin suficiente prueba pa nan bay haci nan trabou riba e
investigacion aki y duna pueblo claridad con ta gasta placa di pueblo.

E maniobra aki huridacamente ta dek tur dos abogado, pero na mes momento tur dos ta
cobra mesun cantidad di 1000 florin pa mesun trabou di un combersacion y aki pueblo