Page 42 - Djabierne 29 yuni 2018.pdf

42 Djabièrnè 29 Yüni 2018
Suzy Camelia-Römer:
‘Kriminalnan a

tira riba ámtenar’

WILLEMSTAD.- ‘Ta
inaseptabel ku hende ku
ta hasiendo nan trabou,
debidamente por wòrdu
menasá. I asta su bida
ta wòrdu peligrá. Nos
tin basta tempu fo’i
òrdu komo komunidat.
Nos tin ku bai na òrdu
bèk.’ Asina minister di
Salubridat Públiko, Medio
Ambiente i Naturalesa
Suzy Camelia-Römer
a splika ayera durante
konferensia di prensa
di Konseho di Minister.
Camelia-Römer, huntu
ku minister-presidente
Eugene Rhuggenaath i
fiskal mayó Heiko de Jongh
a reakshoná riba insidente
ku inspektornan di X-Tim
a keda tirá djárason pasá
durante nan trabou. Segun
Camelia-Römer tur hende
mester realisá ku nos
mester komportá nos mes.
‘No ta aseptabel ku un par
di ámtenar, trahando nan
trabou regular, basá riba
leinan di medio ambiente a
keda tirá.’ Segun minister:
‘Tur yu’i di Kòrsou por bisa
bo ku nos pais ta sushi, nos
mondinan ta sushi. Mester
ruim op.’ Segun minister
nos a pidi e mamanan i
tatanan pa hasi nan trabou.
‘I otronan, ku na mi opinion
ta kriminalnan, ta tira riba
hende.’ Pa no stroba e
investigashon di hustisia,
minister no por bisa
hopi tokante e insidente.
Minister por a bisa ku e
ámtenar no ta heridá. Nan
tin hopi gana pa sigui ku
nan trabou. Hustisia ta
investigando e kaso. E
no por duna mas detaye.
Pero su mensahe ta kla:
‘Nan ta kriminal, pasobra
nan ta organisá. E no por
ta otro. A komersialisá pa
pone bida di otro hende na
peliger.’