Page 46 - Djabierne 29 yuni 2018.pdf

46 Djabièrnè 29 Yüni 2018
KoHeHe ke diálogo
riba problema di
maltrato di mucha

WILLEMSTAD.- Seguridat
i bienestar di beibinan i
muchanan den institutonan
di kuido ta dependé awor
ki akshon mayornan tuma.
Ta parse ku nos beibinan i
muchanan den krèshnan
i opvangnan etc. nan
seguridat ta na peliger. Esei
di akuerdo ku sr. Hensley
Martina di Fundashon
KoHeHe. Fundashon
KoHeHe tin sigur 15 aña ta
tuma nota via medionan di
komunikashon i tambe via
kombersashon ku mayornan
tokante e inseguridat ku ta
reina den kasnan di kuido
pa beibinan i muchanan.
Pa añanan beibinan i
muchanan tabata keda
maltratá físikamente,
verbalmente i tambe keda
troumatisá etc. Mester
bin un kontrol riguroso na
e institutonan ei. Kon ta
posibel ku un hóben mester
a hui, sali bai for di un
instituto di kuido, pa motibu
ku su bienestar i seguridat
tabata kore peliger. Esaki
ta algu insólito. Parse ku
e hóben aki tabata keda
intimidá seksualmente
dor di e hendenan mes
ku mester a garantisá
su bienestar i seguridat.
Institutonan di kuido pa
beibinan i muchanan ta
falta ku reglanan di higiena
i bienestar i seguridat
di beibinan i muchanan
pasobra simplemente no tin
kontrol.
Segun Martina, hopi
biaha mayornan ku
doló/ tristesa i fuera di
nan boluntat ta laga
beibinan i muchanan
bou di responsabilidat
di institutonan di kuido
pasobra simplemente no tin
otro alternativa. Mayornan
tin ku traha, pa despues nan
tuma nota ku a hasi daño
na nan yunan en bes di
kuida nan.
Martina ta hasi un
apelashon riba mayornan
hiba un diálogo nashonal. Si
mayornan no sali pa yunan,
ta ken si lo hasié???
E solushon pa ku
bienestar i seguridat di
yunan na institutonan
di kuido ta den man di
Sigui lesa pagina 48

Muebleria Myriam Trading
Bo adrès pa fura muebles.
Tambe nos tin un surtido
di tela pa fura stoel
i tela pa kortina.
Winston Churchillweg 116
Tel.: 888-6690.