Page 18 - MIN VOS

A32 HENDE
Dialuna 16 OctOber 2017

Encuentro musical pa recauda fondo

pa baby Lunah

ORANJESTAD - Artista Dhaddy Brokke a lansa un CD dedica na baby Lunah cual
ta un proyecto cu a carga e nomber ‘Di nos curason pa Lunah su curason’. Ayera ta-
bata tin un encuentro musical na Renaissance Convention Center pa recauda fondo
pa asina e mayornan por financia un operacion di curason pa scapa e bida di Lunah.

E luga tabata yen di hendenan cu a bin duna nan apoyo na e causa aki. E tabata un evento or-
ganisa por medio di Dhaddy Brokke y su team pa sostene baby Lunah. Manera conoci Lunah
ta un mucha cu ta na Merca aworaki pa tratamento como cu el a nace cu e deficiencia Trisomy
18. Nos seguro AZV a nenga e tratamento y e mayornan ainda ta den corta pa bringa contra e
decision aki. Mientrastanto nan ta pidi ayudo pa continua cu e tratamento di nan yiu.

Dhaddy ayera nochi a bini hunto den un encuentro musical cu cantantenan di Aruba, Corsou
y Bonaire. Entre shete pa dies dia a organisa e encuentro aki segun Errol L. Sjak-Shie, un
di nan den e comision cu a yuda Dhaddy Brokke hinca esaki den otro. Dhaddy a bin for di
Hulanda cu e CD pa organisa e encuentro musical aki Na e entrada publico por a cumpra un
carchi por a firma un borchi grandi cu nan nomber cual ta wordo regala na Lunah mas despues
ora e ta grandi pa e tin un recuerdo di e encuentro musical aki.

Tata di nos cultura Juan Chabaya Lampe (Padu Lampe) tambe tabata presente ayera nochi.