Page 10 - ELMAR

Sindicato di trahadornan di Elmar, tambe a uni na e accion cu e otro sindicatonan pa loke ta e pikimento di sushi.
Esalo, segun Coby Geerman, ta un peso den cartera di tur hende.
UEA tabata tin reunion durante dialogo social riba 15% di aumento den prijs di coriente. E ta sigui splica cu a wordo
yama y djis haya un presentacion di esaki, sin cu nan tin algo di bisa. A wordo priminti cu cos lo bay cambia,
caminda cu nan a keda sinta y warda.
Despues a bin papia di petroleo, fuel oil. Cada biaha ta tende cu nada no por wordo baha pa motibo cu e fuel ta
mucho caro. Esey so por a tende, for di e tempo ey. Awor cu e petroleo a baha, awor ta bay bisa cu nada no por
wordo baha pasobra a firma acuerdo pa hedge. Prome a bisa cu ta $112 y awo ta cuenta di $83. Ta haya cu e
palabranan ta cambia constantemente.
Geerman a menciona cu si a papia prome cu e aumento ta mara na petroleo, no por papia di hedge. Petroleo a baha,
ta caminda cu por a mira con por haci baha e prijs. Pero no bisa awor aki cu a hedge, cu esey tabata e problema.
Geerman a menciona cu e tabata den exterior na Republica Dominicana, caminda cu tabata tin fiesta, mirando cu tur
cos a baha. Pero na Aruba tur cos ta subi. Situacion ta malo y esey tur hende sa. Pero ora cu situacion ta malo, tin e
parti di dialogo social, pero segun Geerman, e no ta funciona, cual ta lamentabel. Ora cu un organisacion no ta
contento cu e situacion, mester yama e sindicato pa mira pakico nan no ta contento.
Pa loke ta fuel un biaha mas, Geerman a comenta cu ta haya SETAR, WEB, Elmar, etc. ta bisa cu tin cu modernisa y
tecnologia ta cambia. Ta papia di NASA, hendenan sabi, ora papia cu eclipse ta bay tal pais, ta bisa cu tal pais, tal
ora, tal minuut exacto. Pregunta di Geerman ta, e cuenta di hedging y fuel oil, otro paisnan lo a hedge di nan? Awo
tin cu wak si ta kere den tecnologia. E hendenan aki mester sa delanta caba kico lo a bay sosode, el a splica. Pesey
Geerman ta haya cu si no tin nada di sconde y si ta berdad, mester a entrega parlamento documentonan y duna e
sindicato e documentonan aki, si no tin nada di sconde anto.
Geerman a scucha na radio cu awe 3’or y mey ta pidi pa tur hende ta dilanti di Web, cu ta bay forsa pa haya
documento. Geerman mes no por ta presente debi na un reunion. E kier a mira kico lo sosode y ki berdad lo sali. Si
ta cualkier un di e trahadonan haci malo na un compania, ya nan ta afo. Den termino di 8 ora ta afo. Na Elmar, un
persona a fia 1500 florin, y a pone e placa bek. El a wordo kita di inmediato. Awo tin un director di Web cu a hinca
un pais den un crisis, ta papia cu nada no a pasa cu e pais, cu ta e hendenan ta papia di mas.
Unda nos ta bibando y unda nos ta, Geerman a conclui.