Page 23 - MIN JUS

8 AWEMainta Dialuna, 9 October 2017

Sandra Kock promovi como CUERPO Policial Aruba

a celebra e promocion di
Sub Inspector di Polis Sandra Kock, kende a ricibi
su decreto gubernamental
p’e puesto di Sub Inspector.
E tabata un “blue police” y
awor a subi di rango pa dirigi
esnan mas hoben. E puesto
ta completamente otro, pa-
sobra awor e tin hopi mas
responsabilidad.

E trabou a cambia aunke cu e
tabatin esaki caba, pero awor
cosnan ta bira un tiki mas
pisa. Sandra Kock ta con-
tento cu Alto Comisario, mr.
Adolfo “Dolfi” Richardson a
dun’e e oportunidad pa haya
su decreto gubernamental.
Sandra Kock a celebra e
promocion aki hunto cu su
famia y coleganan, pasobra
esaki ta un logro den su bida
pa cual e ta contento cu el a
logra.
Entrega di e decreto guber-
namental aki tabata uno spe-
cial, pasobra normalmente
mas agente policial ta ricibi
nan decreto gubernamental,
mientras cu Sandra Kock ta-
bata e unico cu a ricibi esaki.

Sandra Kock a drenta den
e opleiding di Cuerpo Poli-
cial Aruba na aña 1988 y e
tempo ey e scol tabata unda
IPA ta awendia.
E tabata inspira pa bira
Polis pa motibo di mira
con nan tabata marcha
y loke nan tabata haci
n’e scol.
Den Cuerpo Policial nan
ta ricibi hopi oportuni-
dad pa move, unda cu
tin hopi departamento,
pero e agente policial
mes mester tin e interes
pa por move den otro de-
partamento y sigui crece.

Otro aña na februari,
Sandra Kock lo cumpli
30 aña di servicio y e ta
contento con su trayecto
ta bayendo. Den tur tra-
bou un hende mes mes-
ter prueba su mes y haci
loke e tin di haci.