Page 26 - MIN JUS

18 AWEMainta Dialuna, 9 October 2017

Corte kier pa pueblo sa mas di nan trabao

DIASABRA ultimo, Corte di Husticia di Aruba a organisa un
Open Dag, cu e meta pa pueblo sa of conoce mas di trabao di un
Corte di Husticia.
P’esaki e Vice Presidente di Corte di Aruba, hunto cu e Persrechter,
Naftali Engelbrecht a topa cu prensa. Pa loke ta nan relacion cu
prensa, kico nan ta spera di Corte, y maske nan kier colabora, no
ta tur biaha por duna tur informacion manera desea.

Corte pa prensa, nan a reitera nan posicion, di kier ta masha traspar-
ente, esta di tin porta habri pa prensa, pero ta keda na prensa pa
haci uso di e oportunidad cu Corte ta ofrece.

Pa loke t’e Open Dag mes tabatin un presentacion parti pafo di
Cuerpo di Polis, di K-9 y specialmente di Riot Comando, kendenan
a demostra con por contene esnan cu kier lanta y ta desobedece
orden di autoridad.
P’esaki, e muchanan tabata interesa den e presentacion aki.

Tambe tabatin un presentacion di e.o. con bo ta bira Huez y cua t’e
problemanan cu un Huez ta haya su mes aden, esta ora di atende
un caso, cu ki problema nan por haya nan mesa den. Dunando e
splicacion aki, e comunidad por sa con nan trabao ta hinca den otro.

Sr. Ernesto Kross, kende ta Manager di Establecimento di Corte
na Aruba, a duna diferente presentacionnan pa sa con Corte ta
funciona.