Page 113 - AHATA

E prome presupuesto di e pais Aruba, mester a tene na consideracion un economia cu
mester a sostene un gobierno cu tareanan di dos gobierno pa e pais funciona cu tur
loke esaki a encera.

For di momento cu Reino a bay di acuerdo cu Aruba pa Status Aparte na 1986,
trabounan pa duna contenido na e administracion y maneho di e pais nobo a cuminsa.
Parti di e trabounan aki tabata personal cu mester a percura pa gobernacion funciona.

E gastonan relaciona c Status Aparte tabata parti di e decision di pueblo di Aruba pa
haya su autonomia.

Na e momento cu Aruba a haya su Status Aparte, Lago a despedi como pilar

economico. Esaki ta nifica cu economia di Aruba a consisti for di e momento di turismo,
cu entre 1959 y 1977 a crece cu 16 hotel y ya tabata tin un infrastructura pa loke ta
trata careteranan y servicionan fundamental.

Ya na decada 70 Bestuurscollege di Aruba a duna sosten grandi na turismo cu a ocupa
un papel importante pa economia hunto cu Lago.

Ora Lago a bay, e prome gobierno di Aruba a asumi poder cu e plan pa redobla turismo

y asina amplia economia.

DIARIO a profundisa den rapportnan oficial riba e resultadonan financiero di turismo cu
tabata tin tambe gastonan grandi pa Aruba cu a conoce mas cu redoblacion di turismo

den corto tempo.

Segun un rapport special riba turismo di Algemene Rekenkamer Aruba na 1993,
turismo a triplifica na Aruba cu mester a adapta su mes tambe na industria di turismo.

Tabata tin momentonan cu gastonan tabata mas halto cu entrada y tabata tin
proyectonan cu no a duna resultado, manera atraccion di turista Hapones.

E maneho pa redobla turismo tabata tin un peliger enorme pasobra a duna garantia na
proyectonan di hotel, loke tabata nifica cu Aruba tabata responsabel pa proyectonan cu
fracasa y no por a honra nan compromiso.