Page 114 - AHATA
P. 114
Si na 1986 Aruba a haya un economia nobo, expertonan ta mustra cu na entrada di
2000, Aruba mester a cuminsa conoce stabilidad pa traha riba e necesidad di baha e
gastonan di e gobernacion nobo despues di Status Aparte.
E pais hoben na 2007 mester a confronta un recesion, depresion financiero, mundial. A
introduci BBO, cu tabata tin e problema grandi di acumulacion.
E gobierno cu a sinta na 2009, mester a busca un base solido pa atende cu Valero den
e situacion mundial nobo pero tambe pa normalisa turismo y e base economico y
financiero di Aruba.
E gobierno cu a sinta na 2009, a dicidi pa medida popular y a baha BBO na mita y a
aumenta gastonan y debenan na forma espantoso.
Reino Hulandes a drenta den accion, pero Aruba a wordo despista dor di gobierno. E
proyecto Citgo tabata culminacion di un epoca cu tur rapport ta cualifica como falta di
proyectonan realistico, documenta, bon prepara.
Gobierno anterior a crea un futuro falso cu crecemento economico di 15 porciento pa
Aruba, caminda na 2017 alarma grandi mester a wordo bati.
Un debe nacional di igual haltura practicamente cu e produccion di e pais, debe anual
durante 20 aña pa proyectonan PPP, e gastonan halto pa prepara pa e fracaso cu Citgo
a bira, awe ta haci necesario pa Aruba tuma medida pisa si e pais no kier bati bankroet.
Un desaster financiero ta loke ta spera Aruba, sin Coronavirus cu solamente ta empeora
e situacion. Reino Hulandes lo no permiti caida total di Aruba y lo deshaci di e
autonomia financiero di Aruba pa tuma pasonan pa scapa e situacion financiero di
Aruba.
DIARIO cu rapportnan oficial por sostene su relatonan pa duna pueblo di Aruba
informacion corecto cu ta necesario pa futuro di e pais.
https://www.diario.aw/2020/03/sin-medida-aruba-lo-conoce-un-desaster-total/
