Page 19 - AHATA
P. 19
Diabierna, 13 Maart 2020 AWEMainta 3
Tur hotel na Aruba ta man na cabez
Banda di masha cancelacion, nan ta
pendiente di medidanan di Gobierno
AYERA TARDI, 7 diferente gremio tabata prepara pa
un conferencia di prensa na ATIA, pero cu a keda cancela
na ultimo momento. E gremionan aki kier a expresa nan
disgusto pa cu e pakete di medida cu Gobierno tin inten-
cion di tuma, pa cumpli cu deseo di CAFT, pero sin kier
wak e consecuencia cu esaki lo tin pa economia di Aruba.
Kier men banda di e pakete di medida aki, Aruba ta con-
fronta e problema tambe di Corona-Virus, cu a pone cu
varios hotel, pa no bisa mayoria, ta sinti efectonan di ma-
sha hopi cancelacion.
Asina p.e. den varios di e hotelnan di renombre, taba-
tin reunion interno, discutiendo kico pa haci, si mira cu
reservacionnan ta sigui drenta.
Ta pensa cu nan no por mantene e cantidad di trahador
cu nan tin trahando y ta pensa cu lo mester bay na manda
varios di nan empleado cas algun dia y sin pago. Esnan
cu tin vakantie, pa oblige nan pa tuma nan vakantie ob-
ligatoriamente. Y si e situacion aki sigui hasta a papia di
retiro lo tin cu cay.
Turismo di Aruba ta pasando den un di su momentonan
mas dificil. Ta di spera cu e crisis aki pasa pronto, de lo
contrario e lo ta funesto p’e industria di turismo pa Aru-
ba. Pesey awe tin grito na direccion di Gobierno y Parla-
mento, pa no trata e pakete di medidanan awor. Pone on
hold. Y si Hulanda kier haci algo pa Aruba, duna Aruba
un fianza cu un porcentahe abao, pero no sigui choca e
pueblo aki, cu consentimento di Gobierno na mando.
