Page 14 - MIN JUS 31 MAART 2016

Acusado di abuso domestico a ricibi 30 dia di prizon

on: March 30, 2016In: CorteNo Comments
Print Email

Diahuebs ultimo a tuma luga den Corte di Husticia e caso contra di e acusado L.H pa maltrato intencional
contra di 2 persona, cu un arma, den e caso aki parti di un fan. Tambe e ta wordo acusa di ladronicia di
un telefon cellular contra e personanan maltrata. L.H. keda sentencia na 30 dia di prizon.
CASO
L.H. ta wordo acusa di maltrato contra di su ex pareha W., cu kende e tabata tin un relacion di 16 aña,
cual relacion a termina na 2013 y tambe contra di T. Ambos victima tabata tin un rapport medico, unda
a constata herida na cara pa cual tabata tin mester di wordo cosi. E acusado a yega cas di e victima y aki
a bay riba dje y a cuminsa dal’e. E victima kier a yama polis, e acusado a dal e telefon benta abao for di e
victima su man.
Dado momento e otro victima T., tambe a presenta na e cas y aki e discusion a bay for di man. Victima T.
a pasa man cu cuchiu pa defende su mes. Aki ta caminda H. a dal e cuchiu benta abao for di man di T. E
discusion a sigui pafo y na dado momento e situacion a escala, na momento cu H. kier a pasa auto riba
T., y ora no a logra su meta el a yena e auto cu skop.
ACUSADO
Segun e acusado, tur loke el’a haci ta den defensa propio. E ta nenga rotundamente di a maltrata e
victimanan cu un of otro arma. H. ta reitera cu ta cu su mannan el a bringa cu e victimanan. Pero hues a
bari esaki for di mesa, bisando cu a base di e potretnan saca na hospital na momento cu e victimanan
tabata wordo atendi, por mira claramente cu ta trata aki di maltrato severo cu definitivamente no ta
maltrato cu man, pero cu un of otro arma.
BETOOG FISCAL
Fiscal a cuminsa na repasa e circumstancianan personal di H., kende tin un yiu di 13 aña, fruto di un
relacion
BETOOG HUES
Hues a splica cu lo mester bin un rapport psikiatrico pa asina evalua e estado mental di e acusado A. Pa
duna tempo pa asina bin cu un rapport di evaluacion, hues ta pospone e caso te cu dia 12 di Mei pa 8.30
mainta.
http://masnoticia.com/acusado-di-abuso-domestico-ricibi-30-dia-di-prizon/