Page 30 - AHATA

E comision CAFT a haci su propio investigacion y mustra cu sin medida di gobierno,
Aruba por haya mas placa den caha dor di baha gasto.

Gobierno Wever-Croes tambe a mustra cu por baha gasto y a cuminsa cu gestion pa

retiro boluntario.

Segun informantenan e hecho cu awor por baha gasto y sigur loke a pasa cu overtime,
ta confirma loke e autoridad di mas halto di control financiero di Aruba a trece dilanti.

Miembronan di Parlamento mester haci nan trabou y den esaki el a referi na e forma
con e mayoria absoluto den Parlamento tempo di gobierno anterior a permiti
proyectonan sin ningun documentacion y control.

A wordo mustra cu Camara di Integridad mester trece cambio den e situacion financiero
di Aruba, caminda no por tabata tin bon control di e gastonan di gobierno dor di
Parlamento ora tabata trata presupuestonan y cuentanan anual cu ta mustra cuanto

placa gobierno ta gasta.

“E comision di Reino a trece na claridad cu contra ley overtime na cantidad ta tuma
luga. Con por tabata posibel? Den e mes contexto aki mester mira con awor kier forsa

Aruba paga indexering mientras no tin ningun acuerdo oficial cu Aruba ta mara na
adapta salarionan di ambtenaarnan na aumento costo di bida,” a wordo treci dilanti dor
di informantenan.

Den e cambionan cu Camara di Integridad mester garantisa, e autoridad di e autoridad
financiero mas halto di Aruba mester ta garantisa.

Nan mester por actua y evita loke a sosode na Aruba, a wordo treci dilanti.

“Parlamento no ta un foro pa haci politica. E no por ta un arena pa politiconan crece,
pero mester sirbi interes di pueblo,” a wordo indica.

E conclusion ta cu e maneho di gobierno mester por iguala e maneho di un negoshi
priva. E ganashi ta necesario pa crea reservanan pa momentonan dificil y proyectonan
di urgencia cu por presenta na un pais.