Page 34 - AHATA
P. 34
Premier Wever lo ta na Hulanda pa
bringa aanwijzing
Posted on 11/18/2019 10:45 am AST | Updated on 11/18/2019 10:47 am AST
ORANJESTAD – Prome minister di Aruba Evelyn Wever Croes lo ta na Hulanda y
presente den e Rijks Minister Raad (RMR) di diabierna awor pa bringa e aanwijzing
(instruccion) cu ta riba agenda. E mandatario a confirma dialuna mainta cu su intencion
ta pa convence Hulanda cu Aruba no merece un aanwijzing debi cu nan (Aruba) ta
haciendo suficiente caba pa drecha e situacion financiero na Aruba. E mandatario ta biaha
diamars pa Hulanda y lo reuni prome cu Comision Fiho di Eerste y Tweede Kamer di
Relacion di Reino, y tambe minister Raymond Knops. Despues diabierna lo trata e tema
cu ta riba agenda, esta e aanwijzing manera cu e colegio di supervision financiero CAFt a
sugeri na RMR debi cu Aruba no ta ‘cumpliendo’ cu cierto recomendacionan.
