Page 6 - AHATA

DIARANZON 2 AUGUSTUS 2023 DIARIO PAGINA 9
Errol de Freitas, presidente di SNBA:
Durante su prome aña ta

proyecta di 600 pa 800

trahado pa Secrets Hotel

ORANJESTAD (AAN) – Errol de Freitas, Presidente
di SNBA, a sigui splica den conferencia di prensa,
cu e doñonan di Secrets den tur e estudionan cu nan
ta haci, nan ta defini e turistanan cu nan ta dirigi nan
proyectonan.
Nan tin un consorcio di cadena hotelero masha grandi
mes, Secrets, Dreams, entre otro, y Hyatt cu ta bay
maneha e hotel aki. “No lubida cu Hyatt ta doño di
Apple Vacations, entre otro. Kiermen, e exito di e hotel
ta garantiza”, el a expresa.
De Freitas a papia tocante e reto cu e doñonan di Secrets,
caminda no tin nada, ni un stream di turismo y a bin habri
un hotel eynan. “E ta bisa algo di e confianza cu nan tin y
e confianza cu nos tin den e proyecto” el a señala.
“Anto, di con tin cu haci’e asina dificil? Tur e rapportnan
y e estudionan tey”, de Freitas a remarca, agregando cu
hasta gobierno a habri e posibilidad pa San Nicolas por a
haya un “all inclusive”.
De Freitas a subraya cu esaki no ta un “all inclusive” sin
mas. “Durante nan presentacion por a mira cu nan ta mes
caro of mas caro cu cualkier hotel di luho cu Aruba tin”,
el a subraya.
Logicamente, e turistanan cu lo bin lo baha bay lama un
rato, pero e importancia pa nan ademas di beach ta un
hotel cu tin ‘cinco infinity pools’, na unda tur premium
dreams ta accesible.
“Un hotel cu ta bay tin den su prome aña un spin off di
30 miyon, ademas di proyecta entre 600 cu 800 trahado.
Den su di cinco aña nan lo laga 62 miyon pa Aruba y pa
e pueblo di Aruba tambe, pues no ta algo di discuti”.
Errol de Freitas tin simpatia pa e bisiñanan cu ta kehando
actualmente, pero su pregunta ta: “te na unda nos ta bay
yega cu esaki”, pasobra esaki ta un proyecto di interes
nacional, cu por ta e prome paso pa cambia e direccion
di San Nicolas y pariba.
De Freitas ta pidi pueblo, y di San Nicolas, particularmente,
para atras di locual e proyecto aki ta nifica pa nan Distrito
y pa Aruba, pasobra nan ta bay tin un calidad di turista
halto. “Nan ta bay yega Aruba durante e luna aki, unda
San Nicolas lo ta celebrando su di dos business summit,
dia 30 di Augustus. Eynan tur cos a cuminza, eynan e
bista, e luznan, e camara a bay unda nos tabata tin e prome
cumbre y 27 compania a bin Aruba buscando caminda
Telefonnan di DIARIO pa establece. Di nan seis a establece pero pandemia a dal
nos”, Errol de Freitas a recorda. Durante e di dos cumbre
582-6747 Fax 582-8551 lo tin tur e profesionalnan cu lo tey pa aconseha, acepta
y habri caminda pa e proyectonan aki por start di Balashi
bin pariba.