Page 17 - bon-dia-aruba-20210729

a17
celebridad Diahuebs 29 Juli 2021

Ex-pareha di Rey anterior di Spaña ta demanda e

ex-monarca y ta pidi orden di alehamento

(AP/El Pais) - E pareha anterior di e Rey di Spaña a
haci un denuncia contra Rey Emeritus Juan Carlos na
un corte Britanico pa e hecho di a spiona riba su per-
sona como un demanda nobo den e scandal financiero
cu ex monarca ta pasando aden.
E compania di relacion publico cu ta representa Corinna
Larsen, un empresario Aleman-Danes cu tin hopi tempo co-
necta cu Spana su Rey anterior, a confirma riba diaranson cu
su persona a pidi e corte na London pa un orden di aleha-
mento contra Juan Carlos y ta pidiendo compensacion pa e
dañonan cu su acoso y spionahe alega a causa na su persona.
Aunke Larsen su alegacion ta solamente dirigi na Juan Car-
los, e ta sugeri tambe cu General Felix Sanz Roldan, director
anterior di CNI, a participa activamente den e spionahe na su
persona.

E abogado di e Rey anterior aki no a duna contesta inmediato
na un peticion pa comentario haci pa The Associated Press,
pero ta mantene su postura den e defensa di Juan Carlos su
inocencia durante e scandal financiero cu Carlos ta pasando
aden, cual tambe a lanta sospecha di investigadornan den Sue-
cia y Spaña.

E fiscalnan Suiso ta buscando mas informacion tocante e
transferencia di miyones di euro duna na Juan Carlos pa e di-
funto Rey di Saudi Arabia Rey Abdullah. E ex monarca Spano
despues a transferi parti di e suma aki na Larsen, ken apar-
entemente ta biba na London, den loke investigadornan ta so-
specha tabata un intento di sconde e placa aki di autoridadnan.

Segun Fuentenan, e suma di 100 miyon euro dollar a ser man-
da na Juan Carlos pa e rey anterior di Saudi Arabia Abdullah
Bin Abdulaziz Al Saud, ken a fayece den aña 2015. E placa
aki a ser transferi den aña 2008, na un cuenta secreto na Sue-
cia habri den nomber di e fundacion Lucum, cual ta basa na
Panama, cu e beneficiario primordial ta Juan Carlos I. Desde
aña 2018 investigadonan na Suecia ta tratando e transferen-
cia aki, como parti di un operacion pa combati labamento di
placa. Parti di e suma aki, cual no a ser declara na e agencia di
impuesto Spano, ta alega di a ser usa pa Juan Carlos su gas-
tonan personal, y den 2012 despues di un cambio den leynan
den Suiso, a ser transferi na e cuenta di Larsen na un banco na
Bahamas yama Gonet & Cie.

Aparentemente Larsen su reservacion den regresa e suma aki
na Juan Carlos ta loke ta causando e enemistad actual.

Juan Carlos, di 83 aña di edad, a ser sigui pa su yiu Felipe VI
den aña 2014. Desde e tempo aki, su reputacion como lider
di Spaña su transicion democratico despues di e dictatoria
di Gen. Francisco Franco, a ser mancha pa motibo di esaki y
hopi otro scandal cu a tuma luga.

Su persona a sali for di Spaña desde augustus pa keda, por lo
menos temporalmente, den United Arab Emirates despues
cu e investigadonan Spaño a cuminsa busca informacion y
investiga un alegacion unda cu aparentemente su persona a
ricibi hopi soborno pa un contract unda cu Saudi Arabia ta
uni na Spaña pa yega na un objetivo.