Page 5 - MIN ON 18 NOV 2015

8 AWEMainta Diaranson, 18 November 2015

Parlamentario mr. Xiomara Ruiz Maduro: E RAPORT di investigacion di Algemene

ARA ta mustra con Rekenkamer Aruba (ARA) riba e Cuenta Anual 2013
Parlamento a aproba ta brinda hopi informacion cu ta yuda Parlamento pa
presupuestonan irealistico haci su trabou di controla e gobernacion di Gabinete
Eman.
Gabinete Eman a sconde gasto y na 2013 tur cos a
sali na cla Den e raport ARA ta mustra con Parlamento a bay
di acuerdo cu presupuestonan irealistico ya cu
Gabinete Eman a sconde gasto p’asina por a presenta
presupuesto ‘bunita’ na Parlamento, pero den 2013
tur e gastonan aki a sali na cla, segun e miembro di
fraccion di MEP, mr. Xiomara Ruiz Maduro.

“Na hopi ocacion nos di opocicion a informa
pueblo riba e presupuestonan cu ta keda presenta
pa Gabinete Eman na Parlamento cu ta hiba un
seyo irealistico di Raad van Advies. Pero ta parce
manera cu e mayoria den Parlamento no tabata kier
a compronde e conseho cu Raad van Advies tabata
duna.

Awe ARA tambe ta yega n’e conclucion cu Gabinete
Eman a presenta presupuestonan irealistico.
Gabinete Eman no tabata presupuesta su gastonan
manera mester ta y esaki ta pone cu Parlamento
tabata aproba presupuestonan cu no ta basa riba e
realidad”, segun Xiomara Ruiz Maduro.

ARA ta remarca riba pagina 23 di su raport cu e
post Gastonan di añanan anterior ta mustra un
crecemento exponencial den e ultimo añanan di
2010 pa 2013.
Motibo p’esaki ta cu e gastonan aki no tabata wordo
presupuesta, pero despues si nan tabata wordo
responsabilisa den e cuenta annual.
ARA ta haya e crecemento exponencial aki
preocupante, pasobra e ta implica cu e presupuestonan
aproba pa Parlamento den e ultimo añanan ta duna
un bista eroneo di e realidad.
Cu otro palabra, e ultimo añanan Parlamento a bay
di acuerdo cu presupuestonan irealistico.

Esaki ta otro muestra cu e mayoria den Parlamento
a faya barbaramente den haci nan trabou di control
riba Gabinete Eman.
Pasobra si nan a tuma e consehonan di Raad van
Advies na serio y a cuestiona Gabinete Eman
realmente, nunca nan por a bay di acuerdo cu
presupuestonan irealistico.

Locual cu ARA ta trece den su raport dilanti ta un
brevet di onvermogen pa fraccion di AVP cu a bay
wowo sera cu tur e presupuestonan aki.
Di otro banda, e raport di ARA ta demostra
con Gabinete Eman a bin ta manipula cu cifra,
scondiendo gasto, pa por presenta un presupuesto
‘bunita’ na Parlamento pa su aprobacion. Di e manera
aki Gabinete Eman a trapa riba e budgetrecht di
Parlamento, ta falta pueblo respet y ta haci un daño
grandi n’e finanza publico di e pais aki, mr. Xiomara
Ruiz Maduro a conclui.