Page 14 - FDLP

24 AWEMainta Diabierna, 24 Januari 2020

Desaroyo actual

Rond di Novel Coronavirus

ULTIMO informacionnan cu Departamento
di Salud Publico di Aruba a ricibi for di World

Health Organisation (WHO) relaciona cu novel
Coronavirus, ta indica cu tin por lo menos 448

caso confirma y 9 caso di morto regista.

E casonan aki mayoria a wordo raporta den dife-
rente region di China, pero tambe na Japon, Re-

publica di Korea, Thailandia y un caso na Merca
te cu dia 22 di januari 2020.

Na Aruba actualmente no tin ningun caso sos-
pechoso y mucho menos caso confirma di novel

Coronavirus.

Como Departamento di Salud Publico nos ta co-
municando cu diferente organisacion y disciplina

riba e tereno aki p’asina re-enforsa nos sistema
di “surveillance” y “monitoring” pa si encaso un

posibel caso presenta. Te n’e momento aki WHO
no a emiti ningun restriccion di biahe y of com-

ercio pa China.
Segun expertonan e virus di novel Corona ta

wordo transmiti di hende pa hende y ta duna
sintomanan cu ta afecta e sistema respiratorio

manera calafrieu, tosamento, keintura, nanishi
ta core, nister, dolor di musculo y den casonan

severo problema di rion, pulmonia y asta morto.
N’e comunidad Chines cu ta biahando pa China

pa celebra aña nobo Chines y na comunidad di
Aruba nos ta recomenda pa sigui e recomenda-

cionan di WHO pa aplica medidanan di higiena
general manera:

Laba man frecuentemente cu awa y habon of

uza “hand sanitizer”; Tosa of nister den klinex
desechabel of den elleboog; Y evita contacto

cu personanan cu sintomanan di griep. Si bo a
bishita un pais cu caso confirma di Novel Coro-

navirus y bo presenta sintomanan respiratorio
(vooral cu bo tabatin contacto cu hende malo cu

sintoma nan di griep; tuma contacto cu bo dok-
ter di cas mas pronto posibel y dune informacion

di bo historia di biaha.
Pa mas informacion por tuma contacto cu Depar-

tamento di Salud Publico na 522-4200 y LIKE
nos Facebook Page Directie Volksgezondheid

DVG Aruba pa keda informa.