Page 12 - MIN JUS

Consuela Cameron ta e voz y cara di KIA

Tuesday, 27 June 2017 09:41
Comparti

KIA tin un experto di asuntonan social. Consuela Cameron ta bira tambe e persona encarga cu
comunicacion na KIA cuminsando luna pasa. Den futuro, na momento cu mester cualkier informacion cu
ta regarda loke ta pasa den prizon, por tuma contacto cu sra. Cameron.

Logicamente e no por duna tur informacion desea, cual ta keda e pelea semper entre prensa cu tur otro
hende den comunidad, cu no por haya tur loke bo kier. E ta un profesional hoben cu ta dispuesto y
disponibel pa construi of yuda construi un miho prizon y tambe un miho relacion cu prensa tambe, segun
minister di husticia, Arthur Dowers. Consuela Cameron mes a introduci su mes y splica cu e tin dos tarea
hopi pisa, pero dos tarea importante. Guia cu detenido durante full e proceso y tambe den cooperacion
tambe cu famia y amistadnan di debenito, pero tambe pa ta voz y e cara di e Instituto Coreccional, cu
hopi biaha no ta asoci’e cu cosnan positivo, pero principalmente kier enfoca riba desaroyonan
importante.

Proyectonan nobo, proyectonan cu toch ta pone un luz di transparencia den esey. E ora sigur sin falta lo
por acerca y por mira mas di Cameron pa comunica di e proceso aki. Tin proyectonan chikito cu ta
tumando luga, pero tambe grandi cu ta tuma enfoke riba e empleadonan mes na KIA, cual e director
Rocco Tjon, cual a splica di integridad, norma y balornan y conductanan general cu mester mantene na
dje na trabao. Tin diferente desaroyo cu actualmente ya caba ta bezig na KIA.