Page 13 - MIN JUS

Rocco Tjon: Cu un acuerdo asina hopi cos ta wordo garantisa

Tuesday, 27 June 2017 09:44
Comparti

Rocco Tjon ta director di KIA y ta comenta cu esaki tabata un momento importante pa KIA. Segun ley
nan ta obliga tambe pa tin un plan in place pa ora cu tin scarcedad of cierto situacionnan presenta, cu en
todo caso continuacion di e programa pa e detenidonan por sigui y tambe e siguridad por keda wordo
manteni.

Segun Tjon, cu e firmamento di e MOU aki, ta wordo garantisa awor aki. Esaki ta e intentieverklaring,
caminda cu lo traha hunto riba e parti opleiding y cu temanan mara na dje manera integridad y
preparacion. Rocco Tjon a splica cu lo traha mas hunto atrobe pasobra tur tres organizacion tin mesun
meta. Awor aki ta bay purba di focus entro otro riba e temanan ey hunto, pa asina e gastonan ta mas abao
y e procesonan ta mas eficiente. Los di e parti di ecudacion, tambe riba e parti di bedrijfsvoering, tambe
lo bay traha mas hunto awor aki atrobe. Segun Tjon, mirando cu tur tres organisacion tin e mesun meta,
na final di dia, pa haci Aruba mas safe ainda y baha criminalidad, ta importante pa tambe riba e parti di
bedrijfsvoering, pa uza e metodonan mas miho posibel. CEA contento di cu e firmamento Ronny
Geerman director di CEA a splica cu nan ta hopi contento cu e firmamento di e MOU. Ta algo cu awendia
ta comun pa tur hende cu ta traha cu otro. Tur cos mester ta na su luga pa sa ki otro ta spera di otro. Pa
CEA ta importante pa e trabou di cooperacion, e opleiding y tambe riba tereno di rechtshandhaving,
aunke cu nan ta haciendo esaki caba pa un tempo caba. E convenio ta mas cla kende mester responde y
na cual momento. Awor aki e cooperacion ta hopi bon. Pero cu e MOU aki ta reforsa e cooperacion cu tin
entre e tres departamentonan y cu Minister sigur cu mas otro departamento di husticia, cu nan lo por
firma tambe un convenio asina di trabao.