Page 40 - DJALUNA 25 YUNI 2018.pdf

40 Djaluna 25 Yüni 2018
Na fin di aña eskolar
Kantidat di hóben ku no ta bai skol

un biaha mas un problema

WILLEMSTAD .- EXTRA a
tuma nota ku un biaha mas
tin e diskushon riba un grupo
di hóben ku mester ta na
skol i esei no ta e kaso awor
aki tur ora. Awor aki ku aña
eskolar ta kabando por mira
mas i mas mucha ta slènter
riba kaya. Algun di nan a bai
traha na supermerkado pa
yuda kliente. Tin di nan a hasi
nan èksamen i ta wardando
resultado. Komo “mucha
grandi” nan ta na kas ta
warda siendo ku esei ta kontra
lei. Otronan a disidí ku ya
kaba nan no ta bai skol mas
konsiderando ku skol ta den
su fase final pa loke ta trata
e aña eskolar ku ta yegando
na su fin.
Irespekto si e mucha a
hasi èksamen kaba òf e ta
konsiderá ku aña ta kabando,
lei ta bisa den forma enfátiko
ku tur mucha di 4 pa 18 aña
mester ta na skol. Ta konosí di
otro banda ku pa hopi tempu
kaba no ta implementando e
kòntròlnan nesesario. Antes
tabatin un unidat ku ta
kontrolá e loke ta konosí komo
“schoolplicht” pero e unidat
aki tambe a kai na awa. No
ta masha kla si tin un unidat
asina na departamento di
enseñansa di gobièrnu, sikiera
riba papel. Gobièrnu mes no ta
bisando nada den e situashon
aktual siendo ku enseñansa ta
prioridat number 1.
Sigui lesa pagina 41

aviso@extra.cw