Page 41 - DJALUNA 25 YUNI 2018.pdf

Djaluna 25 Yüni 2018 41

Kontinuashon di pagina 40
Kantidat di hóben ku no

A base di e lei ku ta
na vigor klaramente por
konkluí ku tur mucha
mester ta na skol. Si algu
pasa ku nan, gobièrnu
ta responsabel pa esei
komo ku lei ta bisa ku e
responsabilidat pa vigilá e
situashon ta di gobièrnu.
Esei no ta kita ku skol i
mayornan tambe tin un
responsabilidat den e kaso
aki.
Un maestro a splika
ku hopi biaha mayornan
mes ta tene e mucha na
kas. Maske kua inisiativa
desaroyá pa e mucha bin
skol, entre otro pa loke
ta trata rekreashon, e
impreshon serka e mucha
i su mayornan ta ku aña
eskolar ta tras di lomba
kaba. “Esei pa lei no ta e
kaso. Ta tur aña di nobo
nos ta bringa ku e asuntu
aki pero ta parse ku no tin
un manera pa atendé e
situashon aki”, asina el a
splika.
Loke ta remarkabel
ta ku tur aña di nobo e
situashon aki ta presentá,
gobièrnu i e entidatnan
di enseñansa ta bisa ku
e situashon di no ta na
skol ta ilegal pero poko ta
hasiendo pa kontrarestá e
situashon ku tin awor aki
ku tur konsekuensia ku
esei por tin.
Pa kolmo tin un otro
desaroyo mas ku mester
atendé ku ta e situashon
kaminda e mucha ta
bai fakansi promé ku
skol sera. Na aeropuerto
tambe mester kontrolá tur
papel loke no ta pasa tur
ora pasobra einan tin e
impreshon ku a fakansi a
kuminsá siendo ku esei no
ta e kaso.

Muebleria Myriam Trading
Bo adrès pa fura muebles.
Tambe nos tin un surtido
di tela pa fura stoel
i tela pa kortina.
Winston Churchillweg 116
Tel.: 888-6690.