Page 44 - KPA

6 AWEMainta Dialuna, 28 Augustus 2017

Mirando cu Polis a haya huls y sanger riba caminda

Ta indicacion cu tiro a cay dilanti

di American Bar na San Nicolas

DEN prome oranan di diadomingo mainta, Polis ta
haya un yamada cu lo mester tabatin tiramento pafo
di American Bar. Un patruya ta bay n’e sitio y di ber-
dad ta topa cu evidencianan cu lo tabatin tiramento.
Tabatin hopi sanger riba vloer tambe indicando cu lo
mester tin persona of personanan herida.

Tambe un gran cantidad di botter y piedra a ser haya
na sanger den Caya Captain R. Rodgers despues di
un supuesto bringamento grandi.
Esaki mester a surgi den oranan di madruga pa
mainta unda lo a surgi un bringamento grandi, dilanti
American Bar.
N’e sitio niun hende no tabata sa kico precies a pasa.
E informacion cu a drenta durante oranan di madruga
tabata di un bringamento hopi grandi cu tiramento
den e area aki lo tabatin.

Na yegada di Polis no tabatin niun hende mas n’e
sitio. Polis mes a dicidi di bay check tog si por a haya
algo, mirando cu tabata papiando di un tiramento.
N’e sitio nan a bin ripara cu enberdad tin hopi sanger
gespart rond, tambe tabatin boter y baranca tur ca-
minda benta, den e cayanan eybanda.

No ta conoci cuanto hende tabatin herida y mucho
menos e seriedad di e heridonan of e identidadnan.
Ultimamente den oranan lat di anochi pa madruga tin
aglomeracion di grupo grandi di hende cu ta staciona
nan auto den e caya aki y ta djes keda para n’e auto
ta papia of ta dal nan drinks, dilanti di e barnan.

Buscando informacion na e.o. Centro Medico, aki
ningun hende a yega cu un of otro herida tampoco.
Mescos tabata e caso na Hospital.
Departamento Forensico a ser pidi pa duna acto di
presencia pa tuma evidencia y Recherche tambe a
presenta pa tuma dato. E caso ta bou di investigacion.